सकाळच्या नाश्ता होईल आणखीनच मजेदार! १० मिनिटांमध्ये झटपट बनवा दही कबाब, नोट करा रेसिपी

तिखट आणि तेलकट पदार्थ खाऊन कंटाळा आल्यानंतर पचनास हलके असलेले पदार्थ खाण्याची इच्छा होते. अशावेळी तुम्ही सोप्या पद्धतीमध्ये दही कबाब बनवू शकता.

सकाळच्या नाश्त्यात सगळ्यांचं काहींना काही चमचमीत पदार्थ खाण्यास हवे असतात. कायमच तिखट आणि तेलकट पदार्थ खाऊन कंटाळा आल्यानंतर पचनास हलके असलेले पदार्थ खाण्याची इच्छा होते. अशावेळी तुम्ही सोप्या पद्धतीमध्ये दही कबाब बनवू शकता. दही खाणे आरोग्यासाठी अतिशय चांगले आहे. यामध्ये असलेले घटक शरीरात निरोगी पेशींची वाढ करतात. उन्हाळ्याच्या दिवसांमध्ये किंवा इतर वेळी शरीरात वाढलेली उष्णता कमी करण्यासाठी दही खाण्याचा सल्ला दिला जातो. याशिवाय अनेक लोक सकाळच्या वेळी उपाशी पोटी कामानिमित्त बाहेर जातात. पण हवेतील विषारी आणि अतिशय गंभीर विषाणू शरीरात प्रवेश करतात, ज्यामुळे आरोग्य बिघडून जाते. त्यामुळे उपाशी पोटी कुठेही जाणे टाळावे. सकाळी उठल्यानंतर पोटभर नाश्ता केल्यास दिवसाची सुरुवात आनंदी आणि उत्साही होईल. चला तर जाणून घेऊया दही कबाब बनवण्याची सोपी रेसिपी.(फोटो सौजन्य – istock)

वाटीभर पनीरपासून १० मिनिटांमध्ये झटपट बनवा रसमलाई मोदक! नोट करून घ्या मोदक बनवण्याची सोपी रेसिपी

साहित्य:

• दही
• कांदा
• हिरवी मिरची
• कोथिंबीर
• जिऱ्याची पावडर
• धणे पावडर
• मीठ
• ब्रेडक्रम्प्स
• मैदा
• लाल तिखट
• रवा

बाप्पाच्या नैवेद्यासाठी कांदा लसूणचा वापर न करता झटपट बनवा मटार बटाट्याची रस्सा भाजी, नोट करून घ्या रेसिपी

कृती:

• दही कबाब बनवण्यासाठी सर्वप्रथम, दह्यातील पाणी काढून घ्या. त्यानंतर वाटीमध्ये दही घेऊन त्यात बारीक चिरलेला कांदा, हिरवी मिरची, कोथिंबीर टाकून व्यवस्थित मिक्स करा.
• त्यानंतर त्यात धणे पावडर, गरम मसाला, लाल तिखट आणि चवीनुसार मीठ घालून व्यवस्थित मिक्स करा.
• तयार केलेल्या मिश्रणात ब्रेडक्रम्प्स आणि दोन चमचे मैदा घालून मिश्रण व्यवस्थित मिक्स करून घ्या. मिश्रण जास्त पातळ झाल्यास तुम्ही त्यात ब्रेडक्रम्प्सघालू शकता.
• तयार केलेल्या मिश्रणाचे छोटे छोटे कबाब बनवून घ्या. त्यानंतर रव्यात घोळवून कढईमधील गरम तेलात दोन्ही बाजूने व्यवस्थित तळून घ्या.
• तयार आहे सोप्या पद्धतीमध्ये बनवलेले दही कबाब.