आठवडाभर व्यवस्थित टिकून राहील दह्यात वाफवलेली मिरची, नोट करून घ्या झणझणीत पदार्थ

जेवणाच्या ताटात दही मिरची असेल तर चार घास जेवण जास्त जाईल. म्हणूनच आज आम्ही तुम्हाला आठवडाभर टिकून राहणारी दही मिरची बनवण्याची सोपी रेसिपी सांगणार आहोत.

जेवणात प्रत्येक व्यक्तीला काहींना काही चमचमीत किंवा झणझणीत पदार्थ खाण्याची इच्छा रोजच होते. जेवणाच्या ताटात जेवणातील पदार्थांसोबतच नेहमीच लोणचं किंवा पापड खाल्ला जातो. पण सतत तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये आठवडाभर व्यवस्थित टिकून राहील अशी दह्यातील मिरची बनवू शकता. दही मिरची हा पदार्थ जेवणाच्या ताटात असेल तर दोन घास जेवण जास्त जाईल. पण बऱ्याचदा दह्यात बनवलेले पदार्थ जास्त वेळ टिकून राहत नाही. पदार्थ लगेच खराब होऊन जातात. दही मिरचीसोबत तुम्ही भात, भाकरी किंवा चपातीसुद्धा खाऊ शकता. त्यामुळे आज आम्ही तुम्हाला आठवडाभर व्यवस्थित टिकून राहील अशी दही मिरची बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

शरीर ताजेतवाने आणि फ्रेश ठेवण्यासाठी घरी बनवा थंडगार लिची सरबत, लहान मुलांसह मोठ्यांनाही आवडेल

साहित्य:

• हिरवी मिरची
• दही
• तेल
• मोहरी
• मीठ
• हळद
• लाल तिखट
• आलं
• लसूण
• हिंग
• कोथिंबीर

Cheese Balls Recipe: संध्याकाळच्या स्नॅक्ससाठी घरी बनवा टेस्टी चिज बॉल्स; लहान मुले होतील खुश

कृती:

• दह्यातील मिरची बनवण्यासाठी सर्वप्रथम, हिरव्या मिरच्या स्वच्छ धुवून त्यांचे बारीक देठ काढून घ्या.
• मिरच्या कोरड्या झाल्यानंतर सुरीच्या सहाय्याने मिरच्या मधून कापून घ्या. मिरची कापताना मिरचीचे तुकडे करू नये.
• त्यानंतर मिरच्यांमध्ये मीठ भरून घ्या. इडलीच्या भांड्यात मिरच्या वाफवण्यासाठी ठेवा. दहा मिनिटं ठेवून गॅस बंद करून घ्या.
• कढईमध्ये तेल गरम करून त्यात मोहरी फोडणीसाठी टाका. त्यानंतर त्यात जिरं, बारीक कापून घेतलेली लसूण आणि बारीक केलेले आल्याचे तुकडे टाकून भाजा.
• त्यानंतर त्यात वाफवून घेतलेली मिरची टाकून झाकण मारून ५ मिनिट ठेवा. नंतर त्यात दही घालून मिक्स करून घ्या.
• व्यवस्थित मिक्स करून झाल्यानंतर त्यात थोडीशी साखर आणि बारीक कापून घेतलेली कोथिंबीर घालून गॅस बंद करून घ्या.
• तयार आहे सोप्या पद्धतीमध्ये बनवलेली दह्यातील मिरची.