शरीर ताजेतवाने आणि फ्रेश ठेवण्यासाठी घरी बनवा थंडगार लिची सरबत, लहान मुलांसह मोठ्यांनाही आवडेल

उन्हाळ्यात लिची खाणे आरोग्यासाठी फायदेशीर मानले जाते. यामध्ये पोटॅशियम, कॅल्शियम, मॅग्नीशियम, फॉस्फोरस इत्यादी अनेक घटक आढळून येतात. चला तर जाणून घेऊया लिचीची सरबत बनवण्याची सोपी कृती.

शरीर ताजेतवाने आणि फ्रेश ठेवण्यासाठी घरी बनवा थंडगार लिची सरबत

Follow Us:

Follow Us:

चवीला आंबटगोड असलेली लिची आरोग्यासाठी अतिशय पौष्टिक आहे. कडक उन्हाळ्यात लिचीचे सेवन केल्यास शरीरात वाढलेली उष्णता नियंत्रणात राहील. यामध्ये कार्बोहाइड्रेट, विटामिन सी, विटामिन ए आणि बी कॉम्प्लेक्स, पोटॅशियम, कॅल्शियम, मॅग्नीशियम, फॉस्फोरस आणि आयरन इत्यादी अनेक घटक आढळून येतात. याशिवाय लिची खाल्यामुळे त्वचेची खराब झालेली गुणवत्ता सुधारण्यास मदत होते. लिचीपासून ज्युस, आईस्क्रीम, सरबत, जेली, चॉकलेट, लिची क्रश इत्यादी अनेक पदार्थ बनवले जातात. लिची हे हंगामी फळं असून यामुळे उच्च रक्तदाब, वजन कमी करणे, लठ्ठपणा यांसारख्या अनेक समस्यांपासून आराम मिळतो. उन्हाळा वाढल्यानंतर ताक, नारळ पाणी किंवा कोल्ड्रिंक्सचे सेवन केले जाते. मात्र नेहमीच तेच पदार्थ पिऊन कंटाळा येतो. अशावेळी तुम्ही सोप्या पद्धतीमध्ये लिचीची थंडगार सरबत बनवू शकता. यामुळे शरीरात वाढलेली उष्णता कमी होऊन शरीर थंड आणि फ्रेश राहील. जाणून घ्या लिचीची सरबत बनवण्याची सोपी रेसिपी.(फोटो सौजन्य – iStock)

कडक उन्हाळ्यात घरी बनवा थंडगार कालाखट्टा सरबत, चव चाखून घरातील सगळेच करतील गोड कौतुक

साहित्य:

• लिची
• पुदिन्याची पाने
• साखर
• लिंबाचा रस
• बर्फाचे तुकडे
• थंड पाणी
• काळे पाणी

उन्हाळ्याच्या दिवसांमध्ये सकाळी उठल्यानंतर चहा पिण्याऐवजी घरी बनवा थंडगार कोल्ड कोको, नोट करून घ्या पदार्थ

कृती:

• लिचीचे सरबत बनवण्यासाठी सर्वप्रथम, लिचीची साल काढून बिया बाजूला काढून घ्या.
• त्यानंतर मिक्सरच्या भांड्यात लिचीची तुकडे, पुदिन्याची पाने, साखर, चवीनुसार काळे मीठ आणि आवश्यकतेनुसार पाणी घालून सरबत बनवून घ्या.
• लिचीची पातळ पेस्ट तयार होईपर्यंत बारीक वाटून घ्या. तयार केलेला रस गाळणीच्या सहाय्याने गाळून घ्या.
• काचेच्या ग्लासात बर्फाचे खड्डे घालून वरून लिचीच्या रस ओता. त्यानंतर सरबताची चव वाढवण्यासाठी त्यात चिमूटभर काळे मीठ टाकून मिक्स करा.
• सगळ्यात शेवटी पुदिन्याची पाने घालून लिचीचे सरबत सर्व्ह करा. तयार आहे सोप्या पद्धतीमध्ये बनवलेले लिची सरबत.

Web Title: How to make lichi juice at home benefits of eating lichi summer drinks

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com