यंदाच्या वाळवणीत बनवा वर्षभर टिकणारी दही मिरची, जेवणात तोंडी लावण्यासाठी चमकचमीत पदार्थ

उन्हाळ्यात प्रत्येक घरात दही मिरची हा पदार्थ बनवला जातो. जेवणात तोंडी लावण्यासाठी मिरची असेल तर दोन घास जेवण जास्त जातं. त्यामुळे आज आम्ही तुम्हाला सोप्या पद्धतीमध्ये दही मिरची बनवण्यासाठी रेसिपी सांगणार आहोत.

उन्हाळ्याच्या दिवसांमध्ये सर्वच घरांमध्ये वाळवणाचे पदार्थ बनवले जातात. पापड, कुरडया, लोणचं, फेण्या इत्यादी अनेक पदार्थ बनवले जातात. हे पदार्थ पावसाळ्यासह इतर दिवसांमध्ये देखील खाल्ले जातात. संध्याकाळच्या जेवणात सगळ्याच चमचमीत पदार्थ लागतात. तोंडी लावण्यासाठी चटणी, लोणचं किंवा दही मिरची इत्यादी पदार्थ बनवले जातात.या पदार्थांचे सेवन केल्यामुळे जेवणात चार घास जास्त जातात. त्यामुळे अनेक लोक रोजच्या जेवणात लोणचं, पापड किंवा वेगवेगळ्या पदार्थांचा वापर करून बनवलेल्या चटणीचे सेवन करतात. मात्र आज आम्ही तुम्हाला सोप्या पद्धतीमध्ये वर्षभर टिकणारी दही मिरची कशी बनवायची याची सोपी रेसिपी सांगणार आहोत. या पद्धतीने मिरची बनवल्यास चव अतिशय सुंदर लागेल. बाजारातील बऱ्याच दुकानांमध्ये दही मिरच्या उपलब्ध असतात. पण बाजारात मिळणाऱ्या पदार्थांपेक्षा घरी बनवलेले पदार्थ चवीला अतिशय सुंदर लागतात. बाजारातून आणलेली मिरच्यांची पाकीट लागेल संपून जातात. त्यामुळे तुम्ही तुम्हाला घरामध्ये वर्षभर पुरतील अशा दही मिरच्या बनवू शकता. चला तर जाणून घेऊया दही मिरची बनवण्याची सोपी रेसिपी.(फोटो सौजन्य-istock)

जेवणात चार घास जातील जास्त! उन्हाळ्यात हिरव्यागार कैरी बोरांपासून बनवा चविष्ट आंबटगोड चटणी

साहित्य:

• दही
• हिरव्या मिरच्या
• मीठ
• धणे
• जिऱ्याची पावडर
• काळ मीठ
• आमचूर पावडर
• बडीशेप

दिवसाची सुरुवात होईल मस्त! सकाळच्या नाश्त्यासाठी सोप्या पद्धतीमध्ये बनवा ‘रवा-पोहे बाइट्स’, नोट करा रेसिपी

कृती:

• दही मिरची बनवण्यासाठी सर्वप्रथम, मिरच्या स्वच्छ धुवून मधून उभ्या चिरून घ्या. त्यानंतर त्यातील बिया काढा.
• मोठ्या तव्यात धणे, जिरं, काळीमिरी इत्यादी मसाले लालसर व्यवस्थित भाजून थंड करून घ्या. त्यानंतर मिक्सरमधून बारीक पावडर बनवून घ्या.
• त्यानंतर बारीक केलेल्या मसाल्यात हिंग, काळ मीठ, ओवा आणि आमचूर पावडर घालून मिक्स करा.
• तयार केलेला मसाला उभ्या चिरून घेतलेल्या मिरच्यांमध्ये व्यवस्थित भरून घ्या. त्यानंतर मिरच्या दह्यात टाका.
• दही लावून ठेवलेले मिरच्या कडक उन्हात ३ ते ४ दिवस सुकवून घ्या. त्यानंतर मिरच्या कडक झाल्यानंतर बंद झाकणाच्या डब्यात भरून ठेवा.
• जेवणात तोंडी लावण्यासाठी मिरच्या बनवताना कढईमध्ये तेल गरम करून त्यात मिरच्या तळून घ्या.