Recipe : 10 मिनिटांत तयार करा स्ट्रीट स्टाईल ‘दही पूरी’, संध्याकाळच्या नाश्त्यासाठी परफेक्ट ठरेल रेसिपी

Dahi Puri Recipe : दही पुरी हा भारताचा एक लोकप्रिय स्ट्रीट फूड आहे ज्याची चव लहानांपासून मोठ्यांपर्यंत सर्वांपर्यंत फार आवडते. तुम्ही ही डिश फार कमी वेळेत, काही मिनिटांतच घरी तयार करु शकता.

• दही पुरी हा भारताचा एक लोकप्रिय स्ट्रीट फूड आहे.
• कुरकुरीत पुरीत दही, शेव आणि चटकदार चटण्या भरून ही डिश तयार केली जाते.
• बाहेरची अस्वच्छ दही पुरी खाण्याऐवजी तुम्ही घरीच फ्रेश दही पूरी तयार करु शकता.

दही पुरी ही भारतातील अतिशय लोकप्रिय चाट डिश असून ती खास करून रस्त्यावरच्या खाद्यपदार्थांमध्ये मोठ्या आवडीने खाल्ली जाते. कुरकुरीत पुरी, गोड-तिखट चटण्या, थंडगार दही आणि वरून टाकलेले मसाले यांचा सुंदर मिलाफ म्हणजे दही पुरी. ही डिश चवीला जितकी छान तितकीच दिसायलाही आकर्षक असते. उन्हाळ्याच्या दिवसांत थंड दह्यामुळे शरीराला थोडा गारवा मिळतो, त्यामुळे दही पुरी हा एक उत्तम स्नॅक पर्याय ठरतो.

Summer Special : उन्हाळ्यात घरी बनवा कॅफे स्टाईल ‘माॅकटेल’, चवीसोबतच शरीरालाही ठेवेल हायड्रेट

घरी सहज उपलब्ध साहित्य वापरून तुम्ही ही चटपटीत आणि ताजीतवानी दही पुरी तयार करू शकता. बाजारात मिळणाऱ्या पुरीचा वापर करून ही रेसिपी अगदी कमी वेळात बनवता येते. पाहुण्यांसाठी किंवा संध्याकाळच्या खाण्यासाठी ही एक परफेक्ट डिश आहे. चला दही पुरी घरच्या घरी कशी बनवायची याची रेसिपी जाणून घेऊया.

साहित्य

• पुरी – 15 ते 20
• उकडलेले बटाटे – 2 (चिरलेले)
• उकडलेले हरभरे किंवा मूग – 1/2 कप
• दही – 1 कप (फेटलेले)
• चिंच-गुळाची गोड चटणी – 1/2 कप
• हिरवी चटणी – 1/4 कप
• लाल तिखट – 1/2 टीस्पून
• चाट मसाला – 1 टीस्पून
• जिरेपूड – 1/2 टीस्पून
• मीठ – चवीनुसार
• बारीक शेव – 1/2 कप
• कोथिंबीर – सजावटीसाठी

रक्ताची कमतरता भरून काढण्यासाठी जेवणात करा आवळा-गाजर चटणीचा समावेश, डोळ्यांचे विकार होतील दूर

कृती

• सर्वप्रथम पुरी हलक्या हाताने वरून फोडून घ्या, जेणेकरून आतमध्ये सारण भरता येईल.
• प्रत्येक पुरीमध्ये थोडेसे उकडलेले बटाटे आणि हरभरे किंवा मूग भरा.
• आता त्यावर थोडी हिरवी चटणी आणि चिंच-गुळाची गोड चटणी घाला.
• प्रत्येक पुरीवर भरपूर प्रमाणात फेटलेले दही घाला.
• त्यावर चाट मसाला, जिरेपूड, लाल तिखट आणि मीठ शिंपडा.
• शेव आणि बारीक चिरलेली कोथिंबीर वरून टाका.
• तयार दही पुरी लगेच सर्व्ह करा, म्हणजे पुरी कुरकुरीत राहील.
• दही पुरी करताना दही थंड आणि किंचित गोडसर ठेवले तर चव अधिक वाढते.
• पुरी जास्त वेळ आधी भरून ठेवू नका, नाहीतर ती मऊ पडते.
• ही स्वादिष्ट दही पुरी तुम्ही घरी करून आपल्या कुटुंबासोबत किंवा मित्रांसोबत आनंदाने खाऊ शकता.