थंडीत शरीरातील उष्णता वाढवण्यासाठी झटपट बनवा डिंकवडी, चवीसोबतच आरोग्यासाठी ठरेल अतिशय पौष्टिक

थंडीच्या दिवसांमध्ये डिंक खाणे आरोग्यासाठी अतिशय फायदेशीर मानले जाते. म्हणूनच आज आम्ही तुम्हाला सोप्या पद्धतीमध्ये डिंक वडी बनवण्याची रेसिपी सांगणार आहोत.

हिवाळा ऋतूला सुरुवात झाल्यानंतर आहारात बदल केला जातो. थंड पदार्थांचे सेवन करण्याऐवजी शरीरात उष्णता टिकवून ठेवणाऱ्या पदार्थांचे सेवन केले जाते. त्यात अतिशय आवडीने खाल्ला जाणारा पदार्थ म्हणजे डिंक. डिंकाचा वापर करून अनेक वेगवेगळे पदार्थ बनवले जाते. डिंकाचे लाडू, मेथीचे लाडू आणि खोबऱ्याचे लाडू बनवले जातात. पण आज आम्ही तुम्हाला डिंकाचा वापर करून सोप्या पद्धतीमध्ये डिंक वडी बनवण्याची सोपी रेसिपी सांगणार आहोत. डिंक खाल्ल्यामुळे शरीरात उष्णता टिकून राहते अंबी शरीराला भरमसाट फायदे होतात. आयुर्वेदात डिंक उष्ण, स्निग्ध आणि बलवर्धक गुणांनी समृद्ध मानले जाते. डिंकाच्या पदार्थांचे सेवन केल्यास शरीराला तात्काळ ऊर्जा मिळ्वण्यासोबतच तुम्ही कायमच निरोगी राहाल. डिंक खाल्ल्यामुळे शरीरात उष्णता निर्माण होते, ज्यामुळे थंडी वाजणे, अशक्तपणा कमी होण्यास मदत होते. पाठदुखी, सांधेदुखी किंवा कंबरदुखी इत्यादी सर्वच समस्यांपासून आराम मिळवण्यासाठी डिंकाचे सेवन करावे. चला तर जाणून घेऊया डिंकवडी बनवण्याची सोपी रेसिपी.(फोटो सौजन्य – सोशल मीडिया)

सकाळच्या नाश्त्यात शिल्लक राहिलेल्या ब्रेडपासून बनवा कुरकुरीत मेदुवडे, डाळ तांदूळ भिजत घालण्याचे टेन्शन होईल दूर

साहित्य:

• डिंक
• सुका मेवा
• गव्हाचं पीठ
• खाखास
• वेलची पावडर
• गूळ
• पाणी
• वेलची पावडर
• जायफळ पावडर
• तूप
• सुकं खोबर
• खारीक

हिवाळ्यात नक्की करून पहा पारंपरिक राजस्थानी स्टाईल कच्च्या ओल्या हळदीची भाजी, नोट करून घ्या पौष्टिक पदार्थ

कृती:

• डिंकवडी बनवण्यासाठी सर्वप्रथम, कढईमध्ये बिया काढून घेतलेले खारीक भाजा. त्यानंतर तूप गरम करून त्यात गव्हाचं पीठ लालसर होईपर्यंत भाजा.
• त्याच कढईमध्ये तूप गरम करून सुका मेवा, सुकं खोबर घालून वेगवेगळे भाजा. तुपात साहित्यात भाजल्यामुळे पदार्थ जास्त वेळ व्यवस्थित टिकून राहतो.
• कढईमध्ये तूप गरम करून त्यात डिंक घालून भाजा. मोठ्या ताटात भाजून घेतलेले सर्व साहित्य एकत्र मिक्स करा.
• त्यानंतर त्यात वेलची पावडर, भाजून घेतलेले डिंक, जायफळ पावडर, सुका मेवा एकत्र करून घ्या. त्यानंतर तयार केलेले मिश्रण काहीवेळ बाजूला ठेवा.
• थंड झालेल्या मिश्रणात किसून घेतलेले गूळ घालून व्यवस्थित मिक्स करा. तयार केलेल्या मिश्रणात थोडस पाणी घालून मिक्स करा.
• ताटाला तूप लावून त्यावर तयार केलेले सारण ओतून एकसमान सेट करा. वरून सुका मेवा घालून काहीवेळ तसेच ठेवा.
• तयार केलेल्या मिश्रणाचे सुरीच्या सहाय्याने काप करून घ्या. तयार आहे सोप्या पद्धतीमध्ये बनवलेली डिंक वडी.