लहान मुलांसाठी संध्याकाळच्या नाश्त्यात बनवा झटपट बटाट्याचे फ्रेंच फ्राईज, वाचा सोपी रेसिपी

लहान मुलांसह मोठ्यांना फ्रेंच फ्राईज खूप आवडतात. त्यामुळे संध्याकाळच्या नाश्त्यात तुम्ही मुलांना फ्रेंच फ्राईज बनवून देऊ शकता. हा पदार्थ झटपट लगेच तयार होतो. शिवाय कमी साहित्य लागत. जाणून घ्या सोपी रेसिपी.

लहान मुलं संध्याकाळच्या वेळी शाळेतून घरी आल्यानंतर त्यांना भूक लागते. भूक लागल्यानंतर खाण्यासाठी काय द्यावं? असा प्रश्न पडल्यानंतर पालक मुलांना बाहेरील वेफर्स किंवा इतर तेलकट पदार्थ देतात. पण नेहमी नेहमी मुलांना तेलकट तिखट पदार्थ दिल्यामुळे त्यांच्या आरोग्याचे नुकसान होण्याची शक्यता असते. त्यामुळे लहान मुलांना शक्यतो बाहेर विकत मिळणाऱ्या पदार्थांचे सेवन करण्यास देऊ नये. बाहेरील पदार्थ बनवताना कोणत्याही गोष्टींची काळजी घेतली जात नाही. एकाच तेलात अनेकदा वेगवेगळे पदार्थ तळले जातात जे आरोग्यासाठी अतिशय हानिकारक आहे.त्यामुळे आज आम्ही तुम्हाला संध्याकाळच्या नाश्त्यात लहान मुलांना भूक लागल्यानंतर लहान मुलांना देण्यासाठी सोपा पदार्थ सांगणार आहोत लहान मुलांना नाश्त्यामध्ये बटाट्याचे फ्रेंच फ्राईज बनवून द्यावे. बटाट्याचे फ्रेंच फ्राईज मुलांना खूप आवडतात. चला तर जाणून घेऊया बटाट्याचे फ्रेंच फ्राईज बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• बटाटा
• थंड पाणी
• मीठ
• कॉर्नफ्लोर
• मसाला
• तेल

नवनवीन रेसिपीसाठी इथे क्लिक करा

कृती:

• फ्रेंच फ्राईज बनवण्यासाठी सर्वप्रथम, बटाटे स्वच्छ धुवून सोलून घ्या. त्यानंतर त्यांचे उभे काप करा.
• 20 मिनिटं बटाटे थंड पाण्यामध्ये ठेवून द्या. त्यानंतर बटाटे पाण्यातून काढून स्वच्छ कापडावर किंवा कागदाच्या टॉवेलवर ठेवून कोरडे करून घ्या.
• ताटात बटाटे घेऊन त्यात चवीनुसार मीठ आणि कॉर्नफ्लोर लावून व्यवस्थित सगळीकडे पसरवून घ्या.
• कढईमध्ये तेल गरम करण्यासाठी ठेवा. गरम तेलात बटाटे टाकून सोनेरी रंगाचे होईपर्यंत व्यवस्थित फ्राय करून घ्या.
• तयार आहेत सोप्या पद्धतीमध्ये बनवलेले बटाट्याचे फ्रेंच फ्राईज.