दिवसाची सुरुवात करा हेल्दी पदार्थाने! नाश्त्यासाठी बनवा चवदार फ्रूट सँडविच, वाचा सोपी रेसिपी

फळांचे सेवन केल्यामुळे आरोग्याला अनेक फायदे होतात. पण काहींना फळे खायला आवडत नाही. अशावेळी तुम्ही फळांपासून सोप्या पद्धतीमध्ये फ्रुट सॅंडविच बनवू शकता. चला तर जाणून घेऊया रेसिपी.

सकाळच्या नाश्त्यात नेहमी नेहमी नेमकं काय बनवावं? हा प्रश्न सर्वच महिलांना पडतो. अनेक घरांमध्ये सकाळच्या नाश्त्यात बाहेरून विकत आणलेले पदार्थ खाल्ले जातात. कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये फ्रूट सँडविच बनवू शकता. फ्रूट सँडविच बनवण्यासाठी जास्त वेळ लागत नाही. हिवाळा ऋतूमध्ये बाजारात अनेक हंगामी फळे उपलब्ध असतात. या फळांचे सेवन करणे आरोग्यासाठी अतिशय फायदेशीर आहे. फळे खाल्यामुळे आरोग्य सुधारण्यास मदत होते. सकाळच्या वेळी पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. फळे शरीराला भरपूर ऊर्जा देतात. चला तर जाणून घेऊया फ्रूट सँडविच बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे किल्क करा

साहित्य:

• ब्रेड
• तुमच्या आवडीची सर्व फळे (सफरचंद, केळी, द्राक्षे, स्ट्रॉबेरी)
• दही
• मध
• सुका मेवा
• जॅम

नवनवीन रेसिपीसाठी इथे किल्क करा

कृती:

• फ्रुट सँडविच बनवण्यासाठी सर्वप्रथम, फळे पाण्याने स्वच्छ धुवून घ्या. त्यानंतर सर्व फळांचे बारीक तुकडे करा.
• त्यानंतर भाजून घेतलेल्या ब्रेडवर फेटून घेतलेले दही टाकून वरून फळे टाका.
• फळांवर थोडेसे मध टाकून ब्रेडचा दुसरा तुकडा ठेवा. त्यावर फळांचा जॅम लावून त्यावर पुन्हा एकदा बारीक करून घेतलेली फळे ठेवा.
• त्यानंतर त्यावर मध आणि सुका मेवा टाकून ब्रेडची स्लाईस ठेवून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले फ्रुट सॅंडविच.