रविवार होईल आणखीनच मजेदार! सकाळच्या नाश्त्यात झटपट बनवा चविष्ट चमचमीत स्टफ इडली, नोट करून घ्या रेसिपी

सकाळच्या नाश्त्यात प्रत्येकाला कायमच तेच पदार्थ खाऊन कंटाळा येतो. अशावेळी तुम्ही सोप्या पद्धतीमध्ये स्टफ इडली बनवू शकता. हा पदार्थ खोबऱ्याच्या चटणीसोबत सुंदर लागेल.

रविवार म्हणजे सुट्टीचा दिवस. सुट्टीच्या दिवशी घरातील सगळ्या सदस्यांना सुट्टी असते. त्यामुळे संपूर्ण दिवस आरामात असतो. रविवारी अनेक घरांमध्ये कायमच विकतचे पदार्थ आणून खाल्लेले जातात. मेदुवडा, मसाला डोसा, वडापाव, भजी इत्यादी तेलकट पदार्थ सकाळच्या नाश्त्यात खाल्ल्यास शरीराला हानी पोहचण्याची शक्यता असते. तेलकट पदार्थांच्या अतिसेवनामुळे अपचन आणि ऍसिडिटीची समस्या वाढून आरोग्य बिघडते. म्हणूनच आज आम्ही तुम्हाला सोप्या पद्धतीमध्ये चमचमीत स्टफ इडली बनवण्याची सोपी रेसिपी सांगणार आहोत. हा पदार्थ घरातील लहान मुलांपासून ते अगदी मोठ्यांपर्यंत सगळ्यांचं खूप जास्त आवडेल. स्टफ इडलीसोबत तुम्ही खोबऱ्याची चटणी किंवा सांबर सुद्धा खाऊ शकता. कमीत कमी साहित्यात झटपट तयार होणारा पदार्थ लहान मुलांच्या डब्यासाठी सुद्धा अतिशय उत्तम पर्याय आहे. स्टफ इडली कायमच बाहेरून विकत आणून खाल्ली जाते. पण नेहमीच विकतचे पदार्थ खाण्याऐवजी घरी बनवलेल्या पदार्थांचे सेवन करावे. चला तर जाणून घेऊया स्टफ इडली बनवण्याची सोपी रेसिपी.(फोटो सौजन्य – istock)

Recipe : आवळ्यापासून बनवा घरगुती आणि नैसर्गिक ‘माउथ फ्रेशनर’, तोंडाची दुर्गंधीच काय तर चेहऱ्यालाही उजळपणा मिळवून देईल

साहित्य:

• इडली बॅटर
• बटाटा
• हळद
• मोहरी
• तेल
• मीठ
• आलं लसूण पेस्ट
• कढीपत्ता
• कांदा
• कोथिंबीर

रोजच्या जेवणात नियमित करा चमचाभर तिळाच्या चटणीचा समावेश, शरीराला होतील भरमसाट फायदे

कृती:

• स्टफ इडली बनवण्यासाठी सर्वप्रथम, बटाटे शिजवून घ्या. शिजवून थंड केलेल्या बटाट्यांची साल काढून बारीक तुकडे करा.
• कढईमध्ये तेल गरम करून त्यात मोहरी, जिरं आणि हिंग घालून मिक्स करा. त्यानंतर त्यात कढीपत्त्याची पाने आणि बारीक चिरलेला कांदा घालून मिक्स करा.
• कांदा लवकर शिजण्यासाठी त्यात चवीनुसार मीठ आणि आलं लसूण पेस्ट घालून लालसर होईपर्यंत भाजा. यामुळे पदार्थाची चव वाढेल.
• त्यानंतर त्यात मॅश करून घेतलेला बटाटा आणि कोथिंबीर घालून व्यवस्थित मिक्स करा. मिक्स केल्यानंतर काहीवेळ झाकण मारून भाजी शिजून घ्या.
• इडलीच्या बॅटरला तेल लावून त्यावर इडली बॅटर टाकून वरून चमचाभर भाजी टाकून पुन्हा एकदा बॅटर टाका.
• त्यानंतर इडलीचे भांड कुकरमध्ये ठेवून १५ मिनिटं शिजवा. १५ मिनिटं झाल्यानंतर गॅस बंद करून घ्या. तयार आहे सोप्या पद्धतीमध्ये बनवलेली स्टफ इडली.