शरीरात साचलेली सर्दी होईल गायब! १० मिनिटांमध्ये घरी बनवा झणझणीत लसूण चटणी, नोट करून घ्या रेसिपी

झणझणीत पदार्थ खाण्याची इच्छा झाल्यास तुम्ही सोप्या पद्धतीमध्ये लसूण चटणी बनवू शकता. हा पदार्थ घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडेल. जाणून घ्या लसूण चटणी बनवण्याची कृती.

झणझणीत तिखट पदार्थ खायला सगळ्यांचं खूप जास्त आवडतात. तिखट पदार्थ खाण्याची इच्छा झाल्यानंतर कोल्हापुरी ठेचा किंवा हिरव्या मिरचीची चटणी बनवून खाल्ली जाते. हे पदार्थ चवीला अतिशय झणझणीत असतात. तांदळाची भाकरी, चपाती, भात इत्यादी पदार्थांसोबत चटणी खाल्ली जाते. वातावरणात होणाऱ्या बदलांमुळे आरोग्य बिघडते. सर्दी, खोकला किंवा घशात वाढलेली खवखव कमी करण्यासाठी सूप प्यायले जाते. आलं आणि लसूणचा वापर करून बनवलेली सूप चवीला अतिशय सुंदर लागते. आज आम्ही तुम्हाला गुजरातच्या काठियावाड भागात बनवली जाणारी लसूण चटणी बनवण्याची सोपी रेसिपी सांगणार आहोत. लाल रंगाची चटणी गुजरातमध्ये फेमस आहे. लसूण चटणी भाकरी, पराठा किंवा साध्या जेवणासोबतसुद्धा अतिशय चविष्ट लागते. ही चटणी बनवताना दह्याचा वापर केला जातो. बंद हवेच्या डब्यात लसूण चटणी ४ ते ५ दिवस व्यवस्थित टिकून राहते. चला तर जाणून घेऊया लसूण चटणी बनवण्याची सोपी रेसिपी.(फोटो सौजन्य – istock)

Sitafal Kheer Recipe: दिवाळीत बनवा लक्ष्मीच्या आवडीची सीताफळ खीर, जाणून घ्या रेसिपी

साहित्य:

• लसूण
• दही
• लाल तिखट
• जिरं
• मीठ
• पाणी

गव्हाच्या पिठापासून १० मिनिटांमध्ये सकाळच्या नाश्त्यासाठी बनवा हेल्दी टेस्टी मालपुआ, अद्भुत चवीचा खमंग पदार्थ

कृती:

• लसूण चटणी बनवण्यासाठी सर्वप्रथम, लसूण पाकळ्या सोलून घ्या. त्यानंतर खलबत्यामध्ये लसूण पाकळ्या आणि जिरं बारीक कुटून घ्या.
• लसूणची पातळ पेस्ट तयार करा. त्यामध्ये अजिबात पाणी किंवा इतर कोणतेही पदार्थ घालू नये.
• कढईमध्ये तेल गरम करून त्यात लसणाची पेस्ट घालून व्यवस्थित लाल होईपर्यंत परतून घ्या. त्यानंतर त्यात चवीनुसार मीठ घाला.
• वाटीमध्ये लाल तिखट आणि थोडस पाणी घालून पेस्ट तयार करा. तयार केलेली पेस्ट लसूणच्या मिश्रणात टाकून मिक्स करा.
• चटणीला तेल सुटल्यानंतर त्यात दोन चमचे दही घालून व्यवस्थित मिक्स करा. दह्यातील पाणी पूर्णपणे आटून गेल्याशिवाय गॅस बंद करू नये.
• चटणी व्यवस्थित शिजल्यानंतर चटणीला तेल सुटेल. तयार आहे सोप्या पद्धतीमध्ये बनवलेली लसूण चटणी.