वर्षभर टिकणारे लसूण लोणचं सोप्या पद्धतीमध्ये घरीच बनवा, भाकरी चपातीसोबत लागेल चविष्ट

लसूण खाणे आरोग्यासाठी अतिशय पौष्टिक आहे. लसूण खाल्यामुळे शरीरातील रक्त पातळ होण्यास मदत होते. आज आम्ही तुम्हाला लसूण लोणचं बनवण्याची सोपी रेसिपी सांगणार आहोत.

जेवणात तोंडी लावण्यासाठी ताटात वेगवेगळ्या प्रकारच्या चटण्या किंवा लोणचं खाल्ले जातात. लहान मुलांपासून अगदी मोठ्यांपर्यंत सगळ्यांचं लोणचं खायला खूप आवडतं. लोणच्याचे नाव ऐकल्यानंतर अनेकांच्या तोंडाला पाणी सुटते. उन्हाळा ऋतूला सुरुवात झाल्यानंतर सर्वच घरांमध्ये लोणचं, पापड, कुरडया, सांडगे इत्यादी अनेक पदार्थ बनवले जातात. नेहमीच कैरीचे लोणचं खाऊन कंटाळा आल्यास तुम्ही सोप्या पद्धतीमध्ये लसूण लोणचं बनवू शकता. लसूण आरोग्यासाठी अतिशय पौष्टिक आहे. पण बऱ्याचदा लहान मुलं लसूण खाण्यास नकार देतात. अशावेळी तुम्ही मुलांसाठी आंबटगोड लसूण लोणचं बनवू शकता. चला तर जाणून घेऊया लसूण लोणचं बनवण्याची सोपी रेसिपी.(फोटो सौजन्य – iStock)

ऑफिसच्या डब्यासाठी लसूणचा तडका देऊन झटपट बनवा चमचमीत वांग फ्राय,नोट करून घ्या रेसिपी

साहित्य:

• लसूण
• मोहरी
• हिंग
• मीठ
• बडीशेप
• मेथीचे दाणे
• लाल तिखट
• हळद
• कांद्याच्या बिया
• आमचूर पावडर

जेवणाची चव वाढवण्यासाठी दुपारच्या जेवणात झटपट बनवा शेवग्याची कढी, आंबटगोड कढी सगळ्यांचं आवडेल

कृती:

• लसूण लोणचं बनवण्यासाठी सर्वप्रथम, लसूण सोलून घ्या. यामुळे लसणीची साल खाताना तोंडात येणार नाही.
• सोलून घेतलेल्या लसूण पाकळ्या स्वच्छ पाण्याने एकदा धुवून घ्या. त्यानंतर कॉटनच्या कपड्यावर व्यवस्थित वाळवा.
• कढईमध्ये तेल गरम करून त्यात मोहरी, मेथीचे दाणे घालून भाजा. त्यानंतर बडीशेप, जिरं घालून गॅस बंद करून घ्या.
  मिक्सरच्या भांड्यात सर्व मसाले व्यवस्थित बारीक करून पावडर तयार करा.
• कढईमध्ये तेल घालून लसूण पाकळ्या भाजून घ्या. भाजून घेतलेल्या लसूण थंड करा. तेलात मसाले, लाल तिखट, हळद आणि चवीनुसार मीठ टाकून मिक्स करा.
• त्यानंतर आमचूर पावडर, कांद्याच्या बिया इत्यादी सर्व मसाले मिक्स करून घ्या. त्यानंतर त्यात लसूण घालून व्यवस्थित मिक्स करा.
• तयार केलेलं लोणचं काचेच्या बरणीमध्ये भरून २ दिवस तसेच ठेवा. तयार आहे सोप्या पद्धतीमध्ये बनवलेले लसूण लोणचं.