Ginger Candy Recipe: १० मिनिटांमध्ये घरीच बनवा बसस्टॅण्डवर मिळणारा आलेपाक, रोगप्रतिकारशक्ती राहील कायमच मजबूत

आल्याचे सेवन केल्यामुळे आरोग्याला अनेक फायदे होतात. शरीरात वाढलेले पित्त, ऍसिडिटी, सर्दी, खोकला कमी करण्यासाठी आल्याचे सेवन केले जाते. चला तर जाणून घेऊया आलेपाक बनवण्याची सोपी रेसिपी.

दैनंदिन आहारात वेगवेगळ्या पौष्टिक पदार्थांचे सेवन केले जातात. जेवणातील पदार्थ बनवताना आल्याचा वापर प्रामुख्याने केला जातो. आल्यामध्ये असलेले गुणकारी घटक शरीरासाठी अतिशय फायदेशीर ठरतात. सर्दी, खोकला किंवा आरोग्यासंबंधित इतरही समस्या उद्भवल्यानंतर आल्याचे सेवन केले जाते. आल्याचे सेवन केल्यामुळे शरीरात उष्णता निर्माण होते. याशिवाय शरीराची पचनक्रिया सुधारण्यासाठी आल्याचे सेवन करावे. आज आम्ही तुम्हाला कोकणातील बसस्टॅण्डवर मिळणारा आलेपाक घरच्या घरी बनवण्याची सोपी कृती सांगणार आहोत. हा आलेपाक लहान मुलांसह मोठ्यांसुद्धा खूप जास्त आवडेल. शरीरात साचून राहिलेले विषारी पदार्थ बाहेर काढून टाकण्यासाठी आल्याचे सेवन करावे. आलं खाल्यामुळे जळजळ आणि ऍसिडिटीची समस्या कमी होते. जाणून घ्या आलेपाक बनवण्याची सोपी रेसिपी.(फोटो सौजन्य: Pinterest)

रात्रीच्या जेवणाला बनवा शाही मेजवानी! तीच तीच बिर्याणी नाही; यावेळी ट्राय करा चविष्ट आणि सुगंधित अफगाणी बिर्याणी

साहित्य:

• आलं
• साखर
• तूप
• वेलची पावडर
• सेंधवा मीठ

संध्याकाळ होताच काही चटपटीत खायची इच्छा होतेय? मग घरीच बनवा स्वादिष्ट ‘रगडा चाट’; काही मिनिटांत तयार होते रेसिपी

कृती :

• आलेपाक बनवण्यासाठी सर्वप्रथम, आलं स्वच्छ धुवून घ्या. त्यानंतर आल्याची साल काढून आलं किसून घ्या.
• मिक्सरच्या भांड्यात वाटीभर आल्याचा किस आणि साखर टाकून बारीक वाटून घ्या. पेस्ट तयार करताना त्यात अजिबात पाणी टाकू नये.
• कढईमध्ये तूप गरम करून त्यात तयार केलेली आल्याची पेस्ट टाकून व्यवस्थित टाकून व्यवस्थित मिक्स करा. तयार केलेल्या मिश्रणात चवीनुसार मीठ आणि वेलची पावडर टाकून व्यवस्थित मिक्स करून घ्या.
• तयार केलेले मिश्रण व्यवस्थित घट्टसर आटवून घ्या. त्यानंतर ताटाला तूप लावून त्यात तयार केलेले आल्याचे मिश्रण एकसमान पसरवून घ्या.
• काहीवेळानंतर आलेपाकाचे छोटे छोटे तुकडे करून घ्या. आलेपाक वडी घट्ट झाल्यानंतर सुरीच्या सहाय्याने तुकडा करा.
• तयार आहे सोप्या पद्धतीमध्ये बनवलेला आलेपाक.