सुट्टीच्या दिवशी करा माशांची मेजवानी! ताज्या ओल्या बोंबीलापासून झटपट बनवा चविष्ट हिरवे सार, नोट करून घ्या रेसिपी

आज आम्ही तुम्हाला सोप्या पद्धतीमध्ये ताज्या बोंबीलाचे हिरवे सार बनवण्याची रेसिपी सांगणार आहोत. गरमागरम भात किंवा चपातीसोबत बोंबील सार तुम्ही खाऊ शकता. जाणून घ्या रेसिपी.

मासे खायला सगळ्यांचं खूप जास्त आवडतात. कोळंबी, बोंबील, सुरमई, हलवा, पापलेट इत्यादी माशांचे नाव ऐकल्यानंतर सुद्धा तोंडाला पाणी सुटते. पालेभाज्या आणि इतर पदार्थांसोबतच रोजच्या आहारात आठवड्यातून दोनदा किंवा तीनदा माशांचा समावेश करावा. मासे खाल्ल्यामुळे शरीराला खूप जास्त फायदे होतात. जेवणाच्या ताटात नेहमी नेहमी डाळ, भाजी, पालेभाज्या किंवा कढधान्य खाऊन सगळ्यांचं खूप जास्त कंटाळा येतो. अशावेळी विकतचे चविष्ट पदार्थ आणून खाल्लेले जातात. पण नेहमीच विकतचे तिखट किंवा तेलकट पदार्थ खाणे शरीरासाठी अजिबात चांगले नाही. यामुळे कोलेस्ट्रॉल वाढण्याची शक्यता असते.म्हणूनच आज आम्ही तुम्हाला ओल्या बोंबीलांचा हिरवा सार बनवण्याची सोपी रेसिपी सांगणार आहोत. हा पदार्थ कमीत कमी साहित्यात आणि कमी वेळात झटपट तयार होतो. याशिवाय गरमागरम वाफाळत्या भातासोबत किंवा चपाती, भाकरीसोबत ओले बोंबील चविष्ट लागतात. रोजच्या पेक्षा वेगळ्या चवीला पदार्थ खायचा असल्यास तुम्ही ओल्या खोबऱ्याचा वापर करून बोंबील सार बनवू शकता. चला तर जाणून घेऊया रेसिपी.(फोटो सौजन्य – सोशल मीडिया)

Recipe : कुरकुरीत आणि मजेदार… पार्टी स्नॅक्ससाठी एक टेस्टी पर्याय; घरी बनवा हाॅटेल स्टाईल ‘ओनियन रिंग्स’

साहित्य:

• ताजे ओले बोंबील
• लसूण
• आलं
• कांदा
• ओल्या खोबऱ्याचा किस
• काळीमिरी
• हिरवी मिरची
• कोकम
• मीठ
• तेल
• कडीपत्ता

जेवणात चार घास जातील जास्त! दुपारच्या जेवणात बनवा झणझणीत Stuffed Tomato, नोट करून घ्या रेसिपी

कृती:

• ओल्या बोंबीलाचे हिरवे सार बनवण्यासाठी सर्वप्रथम, ओले बोंबील साफ करून त्यांचे मध्यम आकारात तुकडे करा.
• ओले बोंबील लवकर शिजतात. त्यामुळे त्यांचे जास्त बारीक तुकडे अजिबात करू नये. यामुळे पदार्थ खराब होऊ शकतो.
• कापून घेतलेले बोंबील पाण्याने स्वच्छ धुवून घ्या. मिक्सरच्या भांड्यात ओल्या खोबऱ्याचा किस, आलं, लसूण, कोथिंबीर, काळीमिरी, हिरवी मिरची आणि थोडस पाणी घालून पेस्ट बनवून घ्या.
• कढईमध्ये तेल गरम करून त्यात बारीक ठेचून घेतलेला लसूण आणि कडीपत्ता घालून लालसर होईपर्यंत भाजा.
• त्यानंतर त्यात तयार केलेली पेस्ट ओतून चवीनुसार मीठ आणि कोकम टाकून गरजेनुसार पाणी घाला आणि उकळी काढून घ्या.
• साराला व्यवस्थित उकळी आल्यानंतर त्यात ओले बोंबील टाकून २ ते ३ मिनिटं शिजवा.
• तयार आहे सोप्या पद्धतीमध्ये बनवलेले ओल्या बोंबीलाचे आंबटगोड सार.