हिरव्यागार झणझणीत तिखट मिरच्यांपासून बनवा चविष्ट आंबट लोणचं! नोट करून घ्या लोणचं बनवण्याची कृती

लहान मुलांपासून ते अगदी मोठ्यांपर्यंत सगळ्यांचं लोणचं खायला खूप आवडत. म्हणूनच आज आम्ही तुम्हाला हिरव्या मिरचीचे चटकदार लोणचं बनवण्याची सोपी रेसिपी सांगणार आहोत. या पद्धतीने लोणचं नक्की बनवून पहा.

रोजच्या आहारात सगळ्यांचं चविष्ट आणि आंबट तिखट पदार्थ खाण्याची इच्छा होते. जेवणाच्या ताटात अनेक पदार्थ असतील तर पोटही सहज भरते. लहान मुलांपासून ते अगदी मोठ्यांपर्यंत सगळ्यांचं लोणचं खायला खूप आवडतं. जेवणाच्या ताटात भाजी नसेल तर लोणचं घेऊन खाल्ले जाते. यासोबत तुम्ही भात डाळ,भाकरी किंवा चपाती खाऊ शकता. उन्हाळ्याच्या दिवसांमध्ये घरात कैरीचे लोणचं, आवळ्याचे लोणचं, लसूण लोणचं इत्यादी अनेक वेगवेगळ्या पदार्थांपासून बनवलेले लोणचं खाल्ले जाते. मात्र आज आम्ही तुम्हाला चटकदार हिरव्या मिरचीचे झणझणीत लोणचं बनवण्याची सोपी कृती सांगणार आहोत. हिरव्या मिरचीचे लोणचं चवीला अतिशय सुंदर लागते. चला तर जाणून घेऊया हिरव्या मिरचीचे लोणचं बनवण्याची सोपी कृती.(फोटो सौजन्य – pinterest)

कडक उन्हाळ्यात १० मिनिटांमध्ये बनवा शरीर थंड राहण्यासाठी बनवा ताडगोळ्यांचे सरबत, किडनीचे आरोग्य राहील निरोगी

साहित्य:

• ताज्या हिरव्या मिरच्या
• मोहरी
• हळद
• तेल
• मीठ
• मेथी दाणे
• जिरं
• बडीशेप
• लाल तिखट
• लिंबाचा रस

उन्हाळ्यात हायड्रेटेड राहण्यासाठी ‘थ्री ड्रिंक थिअरी’चा सोपा फॉर्म्युला; जाणून घ्या

कृती:

• हिरव्या मिरचीचे लोणचं बनवण्यासाठी सर्वप्रथम, हिरव्या मिरच्या स्वच्छ धुवून घ्या. त्यानंतर त्यांचे देठ काढा.
• स्वच्छ धुवून घेतलेल्या मिरच्या पंख्याखाली सुकवून घ्या, जेणेकरून मिरच्यांमध्ये पाणी राहणार नाही.
• मिरच्या सुकल्यानंतर तुम्हाला हव्या त्या आकारात मिरच्या कापून घ्या.
• कढई गरम करून त्यात मोहरी भाजा. नंतर मेथी दाणे, जिरं, बडीशेप वेगवेगळी भाजून घ्या.
• मसाले खमंग भाजल्यानंतर ताटात थंड होण्यासाठी ठेवा.
• मोठ्या टोपात बारीक चिरून घेतलेल्या मिरच्या घेऊन त्यात हळद आणि चवीनुसार मीठ घालून मिक्स करा. नंतर त्यात लाल तिखट घाला.
• भाजून घेतलेले मसाले थंड झाल्यानंतर मिक्सरच्या भांड्यात टाकून बारीक वाटून पावडर तयार करा.
• तयार करून घेतलेली पावडर मिरच्यांमध्ये टाकून मिक्स करा आणि वरून चवीनुसार लिंबाचा रस टाकून मिक्स करून घ्या.
• नंतर त्यात गरम करून थंड केलेले तेल टाकून रात्रभर लोणचं मुरवण्यासाठी ठेवा. तयार आहे सोप्या पद्धतीमध्ये बनवलेले मिरचीचे लोणचं.