सकाळच्या घाईगडबडीमध्ये नाश्ता काय बनवावा सुचत नाही? मग झटपट हेल्दी चॉकलेट ओव्हरनाईट ओट्स, नोट करा रेसिपी

सकाळच्या नाश्त्यात प्रत्येकाला काहींना काही हेल्दी आणि टेस्टी पदार्थ खाण्याची इच्छा होते. अशावेळी तुम्ही चॉकलेट ओव्हरनाईट ओट्स बनवू शकता. यामुळे तुमचे वजन सुद्धा नियंत्रणात राहील.

सकाळच्या वेळी सगळ्यांचं खूप जास्त घाई असते. अशावेळी नाश्त्यात विकतचे किंवा घरातील ठराविक पदार्थ बनवून खाल्ले जातात. कांदापोहे, उपमा किंवा शिरा खाऊन कंटाळा आल्यानंतर काहींना काही नवीन खाण्याची इच्छा झाल्यास झटपट तुम्ही चॉकलेट ओव्हरनाईट ओट्स बनवू शकता. हा पदार्थ कमीत कमी साहित्यात झटपट तयार होतो. बऱ्याचदा गोड पदार्थाची खाण्याची इच्छा सगळ्यांचं होते. पण फिटनेसमुळे अनेक लोक गोड पदार्थ खाणे टाळतात. अशावेळी तुम्ही ओट्स बाऊल बनवू शकता. ओट्स खाल्ल्यामुळे शरीराला खूप जास्त फायदे होतात आणि वजन नियंत्रणात राहते. बऱ्याचदा वजन वाढल्यानंतर ते कमी करण्यासाठी अनेक वेगवेगळ्या पदार्थांचे सेवन केले जाते. ओव्हरनाईट ओट्स शरीरासाठी फायदेशीर ठरतात. ओट्समध्ये असलेल्या फायबरमुळे पचनक्रिया सुद्धा मजबूत राहते आणि आरोग्य सुधारण्यास मदत होते. चला तर जाणून घेऊया चॉकलेट ओव्हरनाईट ओट्स बनवण्याची सोपी रेसिपी.(फोटो सौजन्य – istock)

Recipe : संध्याकाळच्या नाश्त्यासाठी काहीतरी हटके, घरी बनवा चटकदार ‘कुरकुरे चाट’

साहित्य:

• ओट्स
• पीनट बटर
• दूध
• कोको पावडर
• मध
• चिया सीड्स
• दही
• चॉकलेट फ्लेवर प्रोटीन पावडर
• केळी
• सुका मेवा
• डार्क चॉकलेटचा कीस

Nagpanchami Recipe: नागपंचमीनिमित्त पारंपरिक पद्धतीने बनवा तांदळाची खांडवी, नोट करून घ्या झटपट होणारा पदार्थ

कृती:

• चॉकलेट ओव्हरनाईट ओट्स बनवण्यासाठी सर्वप्रथम, मोठ्या बाऊलमध्ये दोन ते तीन चमचे ओट्स घ्या.
• ओट्समध्ये कोको पावडर आणि चिया सीड्स, दूध किंवा दही घालून व्यवस्थित मिक्स करा. त्यानंतर त्यात पीनट बटर आणि मध घाला. यामुळे पदार्थाची चव वाढेल.
• सर्व साहित्य व्यवस्थित मिक्स करून झाल्यानंतर झाकण मारून रात्रभर तसेच ठेवा. ५ ते ६ तास मिश्रण व्यवस्थित भिजल्यास सकाळी चव मस्त लागेल.
• दुसऱ्या दिवशी सकाळचा नाश्ता करण्याआधी त्यावर सुका मेवा, तुमच्या आवडीनुसार बारीक कापून घेतलेली फळे आणि चॉकलेटचा किस घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले चॉकलेट ओव्हरनाईट ओट्स. हा पदार्थ तुम्ही रोजच्या सकाळच्या नाश्त्यात सुद्धा खाऊ शकता.