कोकणातील पारंपरिक पद्धतीमध्ये बनवा कच्चा फणसाची चविष्ट चमचमीत भाजी, घरातील सगळेच खातील आवडीने

कोकणासह राज्यभरात सगळीकडे कच्च्या फणसाची चविष्ट भाजी बनवली जाते. आज आम्ही तुम्हाला कोकणी पद्धतीमध्ये कच्च्या फणसाची भाजी बनवण्याची सोपी रेसिपी सांगणार आहोत. या पद्धतीने बनवलेली भाजी चवीला सुंदर लागते.

एप्रिल मे महिन्याला सुरुवात झाल्यानंतर सगळ्यांना आंबे आणि फणसाची आठवण येऊ लागते. लहान मुलांपासून अगदी मोठ्यांपर्यंत सगळ्यांचं आंबे, फणस खायला खूप आवडतात. उन्हाळ्यात कोकणातील प्रत्येक गावात कच्च्या फणसाची भाजी बनवली जाते. कच्च्या फणसाची भाजी फक्त उन्हाळा ऋतूमध्येच चाखायला मिळते. फणसाच्या गऱ्यांपासून साठ, वडी आणि इतर अनेक पदार्थ बनवले जातात. याशिवाय वेगवेगळ्या ऋतूंनुसार बाजारात वेगवेगळ्या भाज्या आणि फळे उपलब्ध असतात. त्यामुळे आज आम्ही तुम्हाला कच्च्या फणसापासून चविष्ट भाजी बनवण्याची सोपी रेसिपी सांगणार आहोत. या पद्धतीने फणसाची भाजी बनवल्यास चव अतिशय सुंदर लागेल. तुम्ही बनवलेली फणसाची भाजी घरातील लहान मुलांसह मोठे सुद्धा खूप आवडीने खातील. फणसाला चीक असल्यामुळे ही भाजी बनवताना योग्य ती काळजी घ्यावी. जाणून घ्या कच्च्या फणसाची भाजी बनवण्याची सोपी रेसिपी.(फोटो सौजन्य – iStock)

जेवणात तोंडी लावण्यासाठी सोप्या पद्धतीमध्ये बनवा झणझणीत शेंगदाण्याचा ठेचा, पारंपारिक चवीचा हटके पदार्थ

साहित्य:

• कच्चा फणस
• मोहरी
• मीठ
• तेल
• हिरवी मिरची
• लसूण
• कढीपत्ता
• लाल तिखट
• शिजवून घेतलेले हरभरे
• कोथिंबीर

लहान मुलांसाठी सकाळच्या नाश्त्यात झटपट बनवा ‘चॉकलेट चिकू मिल्कशेक’, काही मिनिटांमध्ये तयार होईल पदार्थ

कृती:

• कच्च्या फणसाची भाजी बनवण्यासाठी सर्वप्रथम, हाताला तेल लावून फणस स्वच्छ करून त्याच्या आतील गरे काढून तुकडे करून घ्या.
• त्यानंतर कुकरच्या शिट्या काढून थंड करा. थंड झाल्यानंतर फणस हाताने कुसकरून घ्या.
• कढईमध्ये तेल गरम करून त्यात मोहरी, आले-लसूण, हिंग, कढीपत्ता घालून लाल होऊन घ्या.
• त्यानंतर त्यात बारीक चिरून घेतलेला कांदा घालून त्यात चवीनुसार मीठ, लाल तिखट, हळद आणि कोथिंबीर घालून मिक्स करा. नंतर त्यात थोडेसे पाणी घालून उकळी काढा.
• मसाले व्यवस्थित शिजल्यानंतर त्यात शिजवून घेतलेले हरभरे आणि फणस टाकून मिक्स करा.
• पाच मिनिटं फणसाची भाजी शिजवून घ्या आणि वरून कोथिंबीर टाकून भाजी सर्व्ह करा.
• तयार आहे सोप्या पद्धतीमध्ये बनवलेली कच्च्या फणसाची भाजी.