हेल्दी पदार्थ खाण्याची इच्छा झाल्यास सकाळच्या नाश्त्यात बनवा खमंग ज्वारीच्या पिठाचा ढोकळा, नोट करून घ्या रेसिपी

सकाळच्या नाश्त्यात कायमच तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. अशावेळी तुम्ही सोप्या पद्धतीमध्ये जवारीच्या पिठाचा ढोकळा बनवू शकता.

लहान मुलांपासून अगदी मोठ्यांपर्यंत सगळ्यांचं ढोकळा खायला खूप जास्त आवडतो. ढोकळ्याचे नाव ऐकल्यानंतर अनेकांच्या तोंडाला पाणी सुटते. ढोकळा हा गुजराती पदार्थ आहे. गुजरातमध्ये ढोकळा, फाफडा, चाट इत्यादी अनेक पदार्थ खूप जास्त फेमस आहे. जाळीदार मऊ ढोकळा बऱ्याचदा सकाळच्या नाश्त्यात किंवा संध्याकाळच्या वेळी भूक लागल्यानंतर खाल्ला जातो. आज आम्ही तुम्हाला ज्वारीच्या पिठाचा खमंग जाळीदार ढोकळा बनवण्याची सोपी रेसिपी सांगणार आहोत. याआधी कायमच तुम्ही बेसन पिठाचा ढोकळा खाल्ला असेल. बेसन पिठाच्या सेवनामुळे शरीराची पचनक्रिया बिघडण्याची जास्त शक्यता असते. यामुळे अन्ननलिकेमध्ये पित्त तयार होण्याची शक्यता असते, ज्यामुळे सतत आंबट ढेकर येतात. त्यामुळे बेसन पिठाचा वापर करण्याऐवजी ज्वारीच्या पिठाचा वापर करावा. ज्वारीचे पीठ शरीरासाठी अतिशय प्रभावी ठरते. यामध्ये असलेले आवश्यक घटक शरीराला तात्काळ ऊर्जा देतात. तसेच हाडांचे आरोग्य सुधारते. चला तर जाणून घेऊया ज्वारीच्या पिठाचा ढोकळा बनवण्याची सोपी रेसिपी.(फोटो सौजन्य – pinterest)

गोड पदार्थ खाण्याची इच्छा झाल्यास सोप्या पद्धतीमध्ये बनवा टेस्टी पनीर जिलेबी, दिवाळीच्या आनंदात होईल आणखीनच वाढ

साहित्य:

• ज्वारीचे पीठ
• मीठ
• आलं
• दही
• रवा
• हिरवी मिरची
• बेकिंग सोडा
• पांढरे तीळ
• कढीपत्ता
• मोहरी
• जिरं

Diwali 2025 : सणानिमित्त घरी पदार्थांचा गोडवा असायलाच हवा, यंदा घरी बनवून पहा ‘नारळाची गोडसर रबडी’

कृती:

• ज्वारीच्या पिठाचा ढोकळा बनवण्यासाठी सर्वप्रथम, मोठ्या भांड्यात ज्वारीचे पीठ, रवा आणि चवीनुसार मीठ घालून एकत्र मिक्स करून घ्या.
• त्यानंतर त्यात दही घालून मिश्रण मिक्स करा. तयार केलेले मिश्रण व्यवस्थित फेटून झाल्यानंतर अर्धा तास झाकण मारून बाजूला ठेवून द्या.
• त्यानंतर तयार केलेल्या मिश्रणात आल्याची पेस्ट, बारीक चिरलेली हिरवी मिरची आणि पाणी घालून मिक्स करा.
• त्यानंतर त्यात चमचाभर तूप घालून व्यवस्थित मिक्स करा. सगळ्यात शेवटी बेकिंग सोडा टाकून ढोकळ्याचे मिश्रण मिक्स करून घ्या.
• मोठ्या डब्याला तेल लावून त्यात तयार केलेले ढोकळ्याचे मिश्रण ओतून सेट करून घ्या. त्यानंतर पाणी गरम केलेल्या टोपात
• तयार केलेला ढोकळा ठेवून २५ ते ३० मिनिट मंद आचेवर गॅस ठेवून ढोकळा वाफवून घ्या.
• ढोकळ्याला एक वाफ आल्यानंतर ढोकळा काढून थंड करण्यासाठी ठेवा. फोडणीच्या वाटीमध्ये तेल गरम करून मोहरी, जिरं आणि हिरवी मिरची, कढीपत्ता घालून भाजा आणि चवीनुसार साखर टाकून मिक्स करा.
  तयार केलेली फोडणी ढोकळ्यावर ओतून ढोकळ्याचे तुकडे करा. तयार आहे सोप्या पद्धतीमध्ये बनवलेला ज्वारीचा पिठाचा ढोकळा.