दिवसाची सुरुवात करा हेल्दी पदार्थ! सकाळच्या नाश्त्यात झटपट बनवा ज्वारीच्या पिठाच्या आंबोळ्या, नोट करून घ्या रेसिपी

सकाळच्या नाश्त्यात हेल्दी पदार्थ खाण्याची इच्छा झाल्यास तुम्ही सोप्या पद्धतीमध्ये ज्वारीच्या पिठाच्या आंबोळ्या बनवू शकता. आंबोळी चवीला अतिशय सुंदर लागते. जाणून घ्या ज्वारीच्या पिठाची आंबोळी बनवण्याची सोपी रेसिपी.

सकाळच्या नाश्त्यात नेहमी नेहमी काय बनवावं? असे अनेक प्रश्न महिलांना सतत पडत असतात. नाश्त्यामध्ये कांदापोहे, उपमा, शिरा, डोसा इत्यादी पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये ज्वारीच्या पिठाच्या आंबोळ्या बनवू शकता. ज्वारी आरोग्याच्या दृष्टीने अतिशय पौष्टिक आणि गुणकारी आहे. ज्वारीमध्ये आढळून येणारे गुणकारी घटक आरोग्यासाठी अतिशय फायदेशीर ठरतात. यामध्ये कॅल्शियम, जीवनसत्वे, प्रोटीन इत्यादी अनेक घटक आढळून येतात. सकाळच्या नाश्ता नेहमीच हेल्दी आणि पोटभर करावा. यामुळे दुपारच्या वेळी लवकर भूक लागत नाही. नाश्ता केल्यामुळे संपूर्ण दिवस आनंद आणि उत्साहाने जातो. चला तर जाणून घेऊया ज्वारीच्या पिठाच्या आंबोळ्या बनवण्याची सोपी रेसिपी.(फोटो सौजन्य – iStock)

उष्माघाताच्या समस्येपासून आराम मिळवण्यासाठी सोप्या पद्धतीमध्ये घरी बनवा आंबटगोड जलजिरा, नोट करा रेसिपी

साहित्य:

• ज्वारीचे पीठ
• मीठ
• तेल
• रवा
• दही
• पाणी
• इनो

कडक उन्हाळ्यात ५ मिनिटांमध्ये घरी बनवा गोव्यातील पारंपरिक पद्धतीमध्ये फुटी कढी, नोट करून घ्या रेसिपी

कृती:

• ज्वारीच्या पिठाच्या आंबोळ्या बनवण्यासाठी सर्वप्रथम, मोठ्या वाटीमध्ये ज्वारीचे पीठ घेऊन त्यात चवीनुसार मीठ टाकून मिक्स करा.
• त्यानंतर त्यात रवा, वाटीभर दही आणि आवश्यकतेनुसार पाणी घालून मिक्स करून घ्या.
• तयार करून घेतलेले मिश्रण काहीवेळा बाजूला तसेच ठेवा. १० मिनिटांनंतर त्यात इनो टाकून मिक्स करा. यामुळे आंबोळ्या व्यवस्थित येतील.
• तव्यावर तेल गरम करून पसरवून घ्या. त्यानंतर त्यावर आंबोळ्याचे मिश्रण गोलाकार पसरवा. दोन्ही बाजूने भाजून झाल्यानंतर आंबोळ्या काढून घ्या.
• तयार आहे सोप्या पद्धतीमध्ये बनवलेल्या जावरीच्या पिठाच्या आंबोळ्या.