उष्माघाताच्या समस्येपासून आराम मिळवण्यासाठी सोप्या पद्धतीमध्ये घरी बनवा आंबटगोड जलजिरा, नोट करा रेसिपी

उन्हामध्ये बाहेर जाऊन आल्यानंतर शरीरातील पाणी कमी होऊन जाते. शरीरात पाण्याची कमतरता निर्माण झाल्यानंतर थकवा, अशक्तपणा जाणवू लागतो. अशावेळी सोप्या पद्धतीमध्ये बनवा जलजिरा सरबत.

उष्माघाताच्या समस्येपासून आराम मिळवण्यासाठी सोप्या पद्धतीमध्ये घरी बनवा आंबटगोड जलजिरा

Follow Us:

Follow Us:

कडक उन्हाळ्यात सगळ्यांचं सतत काहींना काही थंड पिण्याची किंवा खाण्याची इच्छा होते. यादिवसांमध्ये प्रामुख्याने नारळ पाणी, सरबत, फळांचा रस, कोल्ड्रिंक इत्यादी अनेक पेय मोठ्या प्रमाणावर प्यायली जातात. उन्हामध्ये बाहेर जाऊन आल्यानंतर शरीरातील पाणी कमी होऊन जाते. शरीरात पाण्याची कमतरता निर्माण झाल्यानंतर थकवा, अशक्तपणा जाणवू लागतो. त्यामुळे या दिवसांमध्ये लिंबू पाणी किंवा शरीराला ऊर्जा देणाऱ्या पेयांचे सेवन करावे. आज आम्ही तुम्हाला कडक उन्हाळ्यात सोप्या पद्धतीमध्ये आंबटगोड जलजिरा पिण्याची सोपी रेसिपी सांगणार आहोत. तुम्ही बनवलेला जलजिरा घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडेल. चला तर जाणून घेऊया.(फोटो सौजन्य – iStock)

कोलेस्ट्रॉल आणि डायबिटीजसारख्या गंभीर समस्येपासून आराम मिळवण्यासाठी आहारात करा ‘या’ फुलांच्या चहाचे सेवन

साहित्य:

• जिऱ्याची पावडर
• काळीमिरी पावडर
• मीठ
• आलं
• पुदिन्याची पाने
• कोथिंबीर
• हिरव्या मिरच्या
• साखर
• आमचूर पावडर
• लिंबाचा रस
• थंड पाणी
• बर्फाचे तुकडे

मिक्सर किंवा इतर कोणत्याही भांड्याचा वापर न करता १० मिनिटांमध्ये बनवा चविष्ट आमरस आमरस, नोट करा रेसिपी

कृती:

• जलजिरा सरबत बनवण्यासाठी सर्वप्रथम, मिक्सरच्या भांड्यात पुदिन्याची पाने, कोथिंबीर, हिरवी मिरची, किसलेलं आलं घेऊन बारीक पेस्ट बनवून घ्या.
• मोठ्या टोपात एका मोठ्या भांड्यात किंवा भांड्यात थंड पाणी घाला आणि त्यात जिरं काळीमिरीची पावडर, हिरव्या तयार केलेली पुदिन्याची पेस्ट टाकून मिक्स करा.
• त्यानंतर साखर टाकून व्यवस्थित मिक्स करून घ्या. साखर पूर्णपणे वितळल्यानंतर त्यात लिंबाचा रस टाकून मिक्स करा.
• तयार करून घेतलेले सरबत गाळणीच्या सहाय्याने गाळून घ्या. गाळून घेतलेले सरबत अर्धा तास फिजमध्ये थंड होण्यासाठी ठेवा.
• काचेच्या ग्लासात बर्फाचे खडे आणि लिंबाच्या चकत्या टाकून तयार केलेला जलजिरा सरबत ओतून घ्या.
• तयार आहे सोप्या पद्धतीमध्ये बनवलेले जलजिरा सरबत.

Web Title: How to make jaljeera juice at home simple food recipe summer heat cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com