पारंपरिक पद्धतीमध्ये झटपट बनवा झणझणीत कांदा लसूण मसाला, जेवणाला येईल चटकदार चव

जेवणाची चव वाढवण्यासाठी वेगवेगळ्या मसाल्यांचा वापर केला जातो. याशिवाय अनेक घरांमध्ये मालवणी मसाला, लाल तिखट मसाला इत्यादी अनेक मसाले बनवले जातात. आज आम्ही तुम्हाला कांदा लसूण मसाला बनवण्याची सोपी कृती सांगणार आहोत.

उन्हाळा ऋतूला सुरुवात झाल्यानंतर प्रत्येक घरातून भाजलेल्या मसाल्यांचा सुंदर सुगंध येऊ लागतो. कारण या दिवसांमध्ये मोठ्या प्रमाणात मसाले तयार केले जातात. जेवणातील प्रत्येक पदार्थ बनवताना लाल तिखट मसाल्याचा वापर केला जातो. लाल तिखट मसाला, मालवणी मसाला, घाटी मसाला, आगरी कोळी मसाला इत्यादी अनेक मसाल्यांचे वेगवेगळे प्रकार आहेत. पारंपरिक पद्धतीने बनवलेले मसाले चवीला अतिशय सुंदर आणि पदार्थांची चव वाढवणारे असतात. पदार्थाची चव वाढवण्यासाठी मसाल्यांमध्ये अनेक बारीक बारीक मसाल्यांचा वापर केला जातो. याशिवाय तयार करून घेतलेला मसाला वर्षभर व्यवस्थित टिकून राहावा, यासाठी योग्य ती काळजी घेतली जाते. जेवणाची चव वाढवण्यासाठी आणि पदार्थ झणझणीत तयार होण्यासाठी अनेक प्रयत्न केले जातात. मात्र बऱ्याचदा पदार्थाला तेवढी चव लागत नाही. म्हणूनच आज आम्ही तुम्हाला पारंपरिक पद्धतीमध्ये कांदालसूण मसाला कसा बनवावा, याची सोपी रेसिपी सांगणार आहोत. या पद्धतीने बनवलेला मसाला चवीला अतिशय सुंदर लागतो. जाणून घेऊया रेसिपी.(फोटो सौजन्य – iStock)

कडक उन्हाळ्यात घरी बनवा थंडगार कालाखट्टा सरबत, चव चाखून घरातील सगळेच करतील गोड कौतुक

साहित्य:

• लाल तिखट मिरची
• शंकेश्वरी मिरची
• रेशम पट्टी मिरची
• काश्मिरी मिरची
• धणे
• तमालपत्र
• दगडफूल
• पांढरे तीळ
• खसखस
• जायफळ
• खडेहींग
• सूंठ
• हळकुंड
• जावित्री
• दालचिनी
• मेथीदाणे
• कबाब चीनी
• त्रिफळा
• शहाजिरे
• मसाला वेलची
• नागकेश्वर
• हिरवी वेलची
• लवंग
• काळीमिरी
• स्टारफुल
• साधे जिरे
• सुकं खोबरं
• लसूण
• पांढरा कांदा
• जडमीठ
• शेंगदाणा तेल

उन्हाळ्याच्या दिवसांमध्ये सकाळी उठल्यानंतर चहा पिण्याऐवजी घरी बनवा थंडगार कोल्ड कोको, नोट करून घ्या पदार्थ

कृती:

• कांदा लसूण मसाला तयार करण्यासाठी सर्वप्रथम, सगळ्यात आधी मिरची कडक उन्हात सुकण्यासाठी ठेवा. मिरची व्यवस्थित सुकल्यानंतर मिरचीचे देठ काढून घ्या.
• त्यानंतर कढईमध्ये तेल टाकून मिरची खमंग तेलात भाजा. भाजून झाल्यानंतर काहीवेळ मिरची तशीच ठेवा.
• त्याच कढईमध्ये उभे पातळ कापून घेतलेले कांदे लाल होईपर्यंत भाजा. त्यानंतर त्याच कढईमध्ये सुकं खोबरं आणि लसूण टाकून भाजून घ्या.
• कांदा भाजताना त्यात ओलावा राहणार नाही, याची योग्य काळजी घ्यावी. यामुळे मसाला खराब होण्याची जास्त शक्यता असते.
• त्यानंतर सर्व खडे मसाले खमंग मध्यम आचेवर भाजून घ्या. यामुळे मसाल्यांची चव आणखीनच वाढेल.
• त्यानंतर मसाले आणि हिरव्या मिरच्या व्यवस्थित दळून मसाला तयार करा.
• कांदा, खोबर आणि लसूण मिक्सरमधून बारीक वाटून घ्या. त्यानंतर तयार केलेला मसाला एकत्र मिक्स करून काचेच्या बंद बरणीमध्ये भरून ठेवा.
• तयार आहे सोप्या पद्धतीमध्ये बनवलेला कांदा लसूण मसाला.