जेवणात तोंडी लावण्यासाठी १० मिनिटांमध्ये झटपट बनवा काठीयावाडी लसूण चटणी, नोट करून घ्या झणझणीत रेसिपी

जेवणात कायम त्याच ठराविक भाज्या खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते, अशावेळी तुम्ही सोप्या पद्धतीमध्ये काठियावाडी लसूण चटणी बनवू शकता.

रोजच्या जेवणाच्या ताटात कितीची चविष्ट आणि गोड पदार्थ असेल तरीसुद्धा काहींना झणझणीत तिखट पदार्थ लागतोच. राज्याच्या वेगवेगळ्या गावांमध्ये, जिल्ह्यांमध्ये पारंपरिक पद्धतीने चटणी बनवली जाते. खोबऱ्याची चटणी, मिरचीचा ठेचा, शेंगदाण्याची चटणी, लसूण चटणी इत्यादी अनेक वेगवेगळे पदार्थ वापरून चटणी बनवली जाते. जेवणाची चव वाढवण्यासाठी चटणी खाल्ली जाते. पण आज आम्ही तुम्हाला १० मिनिटांमध्ये काठियावाडी लसूण चटणी बनवण्याची सोपी रेसिपी सांगणार आहोत. काठियावाडी चटणी पाहून तुमच्या सुद्धा तोंडाला पाणी सुटेल. लसूण चटणी तुम्ही गरमागरम भाकरी, चपाती किंवा वाफाळत्या भातासोबत सुद्धा खाऊ शकता. जेवणात भाजी खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास तुम्ही काठियावाडी लसूण चटणी बनवून खाऊ शकता. हा पदार्थ कमीत कमी साहित्य आणि वेळात झटपट तयार होतो. याशिवाय काठियावाडी पद्धतीमध्ये बनवलेली लसूण चटणी आठवडाभर व्यवस्थित टिकून राहते. चटणी लवकर खराब होत नाही. चला तर जाणून घेऊया रेसिपी. (फोटो सौजन्य – istock)

Sankashti Special : तेच तेच बोरिंग पदार्थ सोडा, यंदा उपवासाला बनवा टेस्टी बटाटा पॅटिस 

साहित्य:

• लसूण
• दही
• मीठ
• हिंग
• लाल तिखट
• तूप

शेफ विष्णू मनोहर स्पेशल रेसिपी! घरच्या घरी सोप्या पद्धतीमध्ये बनवा कुरकुरीत चमचमीत मसाला पापड, जाणून घ्या ट्रिक्स

कृती:

• काठियावाडी चटणी बनवण्यासाठी सर्वप्रथम, लसूण पाकळ्यांची साल सोलून घ्या. लसणीच्या साली काढून घेतल्यामुळे पदार्थाची चव बिघडत नाही.
• खलबत्यामध्ये लसूण आणि जिरं घालून बारीक ठेचून घ्या. वाटीमध्ये लाल तिखट घेऊन त्यात आवश्यकतेनुसार पाणी घालून पेस्ट तयार करा.
• कढई गरम करून त्यात चमचाभर तूप घालून कडक गरम करा. गरम केलेल्या तुपात ठेचून घेतलेली लसूण टाकून लाल होईपर्यंत भाजा.
• त्यानंतर त्यात तयार केलेला लाल तिखट, हिंग आणि चवीनुसार मीठ घालून तेल सुटेपर्यंत भाजा.
• सगळ्यात शेवटी दही घालून चटणी सतत चमच्याने मिक्स करत राहा. यामुळे कढईला चटणी अजिबात चिकटणार नाही.
• तयार आहे सोप्या पद्धतीमध्ये बनवलेली काठियावाडी लसूण चटणी.