कोकणी पारंपरिक चवीची खापरोळी खाताच मन होईल तृप्त! ‘या’ पदार्थांचा वापर करून बनवा चविष्ट पदार्थ

आज आम्ही तुम्हाला कोकणातील अस्सल पारंपरिक पद्धतीने खापरोळी बनवण्याची कृती सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल.

कोकणी पद्धतीमध्ये बनवलेले पदार्थ सगळ्यांचं खायला खूप जास्त आवडतात. ओल्या खोबऱ्याचा किस, तांदूळ आणि इतर अनेक वेगवेगळ्या पदार्थांचा वापर करून बनवलेले चविष्ट पदार्थ चवीसोबतच शरीरासाठी सुद्धा पौष्टिक आहेत. कोकणचे नाव ऐकल्यानंतर सगळ्यांच्या डोळ्यांसमोर समुद्र किनारा, हिरवागार निसर्ग आणि जिभेवर रेंगाळणारी अस्सल पारंपरिक कोकणी चवीचे पदार्थ. कोकणातील सर्वच पदार्थ जगभरात सगळीकडे प्रसिद्ध आहेत. बऱ्याचदा गोड पदार्थ खाण्याची इच्छा झाल्यानंतर नेमकं काय बनवावं सुचत नाही, अशावेळी तुम्ही सोप्या पद्धतीमध्ये अस्सल पारंपरिक चवीची खापरोळी बनवू शकता. खापरोळी हा गोड पदार्थ आहे. हा पदार्थ नारळाच्या दुधासोबत खाल्ला जातो. कोकणातील प्रत्येक घरात सकाळच्या नाश्त्यात किंवा घरी आलेल्या पाहुण्यांच्या स्वागतासाठी खापरोळी बनवली जाते. कमीत कमी साहित्यात आणि कमी वेळात तयार होणारे पदार्थ बनवायला सगळ्यांचं खूप जास्त आवडत. कोकणात खापरोळी अतिशय आवडीने खाल्ली जाते. चला तर जाणून घेऊया अस्सल पारंपरिक कोकणी चवीची खापरोळी बनवण्याची सोपी रेसिपी.(फोटो सौजन्य – pinterest)

थंडीत भाज्यांना नाकारून कसं चालेल, राजस्थानी स्टाईलची ‘बेसन पालक भाजी’ खाल तर बोटंच चाटत रहाल

साहित्य:

• तांदूळ
• पांढरी उडीद डाळ
• चणा डाळ
• मेथी दाणे
• हळद
• मीठ
• पाणी
• साजूक तूप
• नारळाचे दूध
• गूळ
• जायफळ पावडर
• वेलची पावडर

पास्ता बनवायला अवघड वाटतो? मग १५ मिनिटांमध्ये बनवा स्वादिष्ट Red Sauce Pasta, नोट करून घ्या रेसिपी

कृती:

• खापरोळी बनवण्यासाठी सर्वप्रथम, मोठ्या भांड्यात तांदूळ, उडीद डाळ, चणाडाळ, मेथी दाणे स्वच्छ धुवून पाण्यात ३ ते ४ तास भिजत ठेवा.
• त्यानंतर त्यातील पाणी काढून भिजवलेली डाळ मिक्सरच्या भांड्यात जास्त पाणी न घालता बारीक वाटून पेस्ट तयार करा.
• तयार केलेल्या पेस्टमध्ये चवीनुसार मीठ, हळद आणि गरजेनुसार पाणी घालून बॅटर तयार करा.
• मिक्सरच्या भांड्यात किसलेल्या खोबऱ्याचा किस आणि पाणी घालून बारीक वाटून घ्या. त्यानंतर नारळाचे दूध काढून टोपात ठेवा.
• नारळाच्या दुधात गूळ, जायफळ आणि वेलची पावडर आणि एक काडी केशर घालून नारळाचे गोड दूध तयार करून घ्या.
• गॅसवर तवा गरम करून त्यावर तेल लावून घ्या. त्यानंतर खापरोळीचे पीठ घालून दोन्ही बाजूने मंद आचेवर खापरोळी व्यवस्थित भाजा.
• ताटात बनवून घेतलेली खापरोळी घेऊन त्यावर तयार केलेले नारळाचे गोड दूध घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेली कोकणी चवीची खापरोळी.