चहा कॉफी पिणे कायमचे जाल विसरून! सकाळच्या नाश्त्यात प्या गरमागरम पौष्टिक कुळीथ सूप, सर्दी खोकल्यावर जबरदस्त उपाय

आज आम्ही तुम्हाला सोप्या पद्धतीमध्ये कुळीथ सूप बनवण्याची सोपी रेसिपी सांगणार आहोत. हा पदार्थ शरीरासाठी फायदेशीर आहे. हाडांचे आरोग्य सुधारण्यासाठी कुळीथ सूप प्यावे.

थंडीच्या दिवसांमध्ये आरोग्यासंबंधित बऱ्याच समस्या उद्भवू लागतात. कधी सर्दी तर कधी खोकल्यामुळे संपूर्ण आरोग्यावर बिघडून जाते. सतत होणाऱ्या सर्दी खोकल्यामुळे नाकातून पाणी येणे, नाक झोंबणे, नाकातून सर्दी येणे इत्यादी अनेक लक्षणे दिसू लागतात. याशिवाय थंडीच्या दिवसांमध्ये पोट जड होणे, पचनक्रिया बिघडणे इत्यादी समस्या वाढू लागतात. हिवाळ्यात सकाळ झाल्यानंतर सगळ्यात आधी चहा किंवा कॉफी प्यायली जाते. पण त्याऐवजी पौष्टिक पदार्थांचे सेवन करावे. म्हणूनच आज आम्ही तुम्हाला सकाळच्या नाश्त्यासाठी कुळीथ सूप बनवण्याची सोपी रेसिपी सांगणार आहोत. कुळीथ आरोग्यासाठी अतिशय गुणकारी असतात. यामध्ये असलेले गुणकारी घटक शरीराची रोगप्रतिकारशक्ती सुधारतात आणि साथीच्या आजारांपासून शरीराचा बचाव करतात. चला तर जाणून घेऊया कुळीथ सूप बनवण्याची सोपी रेसिपी. (फोटो सौजन्य – istock)

Recipe : पश्चिम बंगालमधील फेमस पदार्थ, मसालेदार अन् कुरकुरीत असा ‘आलू चॉप’ तुम्ही कधी खाल्ला आहे का?

साहित्य:

• कुळीथ
• तूप
• लसूण
• मीठ
• जिरं
• हिंग
• हळद
• मीठ
• कोथिंबीर

तोंडाच्या दुर्गंधीपासून सुटका मिळवण्यासाठी सोप्या पद्धतीमध्ये घरीच तयार करा मुखवास, शरीराला होतील आरोग्यदायी फायदे

कृती:

• कुळीथ सूप बनवण्यासाठी सर्वप्रथम, मिक्सरच्या भांड्यात कुळीथ टाकून बारीक पावडर करून घ्या.
• टोपात तेल गरम करून त्यात तूप, ठेचलेला लसूण, जिरे, हिंग, हळद आणि कुळीथ पीठ घालून व्यवस्थित मिक्स करा.
• सूप बनवताना गॅस मंद आचेवर ठेवावा. यामुळे पीठ जळणार नाही आणि पदार्थाची चव सुद्धा बिघडणार नाही.
• त्यानंतर त्यात पाणी घालून व्यवस्थित मिक्स करा. त्यानंतर त्यात चवीनुसार मीठ आणि कोथिंबीर घालून मिक्स करा.
• सूपला उकळी आल्यानंतर काळीमिरी पावडर घालून व्यवस्थित उकळी काढा.
• तयार आहे सोप्या पद्धतीमध्ये बनवलेले कुळीथ सूप. हा पदार्थ थंडीच्या दिवसांमध्ये शरीरासाठी अतिशय फायदेशीर ठरेल.