जेवणासाठी करा चमचमीत बेत! हिरव्यागार मेथीच्या भाजीपासून बनवा लसूणी मेथी, लहान मुलांसह मोठेसुद्धा खातील आवडीने

जेवणात कायमच त्याच ठराविक भाज्या खाऊन कंटाळा आल्यास सोप्या पद्धतीमध्ये तुम्ही लसूणी मेथी बनवू शकता. हा पदार्थ चवीला अतिशय सुंदर लागतो. जाणून घ्या लसून मेथी बनवण्याची सोपी रेसिपी.

जेवणाच्या ताटात प्रत्येकालाच काहींना काही चमचमीत पदार्थ खाण्यास हवा असतो. कायमच मशरूम, पनीर किंवा मिक्स भाज्या, कडधान्य खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी सोप्या पद्धतीमध्ये तुम्ही लसूणी मेथी बनवण्याची सोपी रेसिपी सांगणार आहोत. थंडीच्या दिवसांमध्ये बाजारात हिरव्यागार पालेभाज्या मोठ्या प्रमाणावर उपलब्ध असतात. पालेभाज्यांचे सेवन करणे आरोग्यासाठी अतिशय फायदेशीर ठरते. या दिवसांमध्ये बाजारात मेथीची भाजी मोठ्या प्रमाणावर उपलब्ध असते. मेथीच्या भाजीचे पराठे, खोबऱ्याचा किस टाकून बनवलेली भाजी इत्यादी ठराविक पदार्थ कायम बनवले जातात. त्यामुळे संध्याकाळच्या जेवणासाठी किंवा डब्यासाठी लसूणी मेथी बनवू शकता. तुम्ही बनवलेला लसूणी मेथी घरातील सगळेच खूप जास्त आवडीने खातील. चला तर जाणून घेऊया लसूणी मेथी बनवण्याची सोपी रेसिपी.(फोटो सौजन्य – istock)

सकाळच्या नाश्त्यासाठी हेल्दी पर्याय! १० मिनिटांमध्ये झटपट बनवा कुरकुरीत ब्रेड बेसन टोस्ट, नोट करा रेसिपी

साहित्य:

• मेथी
• लसूण
• तेल
• लाल तिखट
• तूप
• जिरं
• मोहरी
• हिंग
• कांदा
• टोमॅटो
• लाल तिखट
• हळद
• पांढरे तीळ
• चणाडाळ
• आलं लसूण पेस्ट

चहाची मजा द्विगुणित करेल गव्हाच्या पिठाचे कुकीज; सुगंधित, पौष्टिक अन् पाहता क्षणी लहान मुले होतील खुश

कृती:

• लसूणी मेथी बनवण्यासाठी सर्वप्रथम, मेथीची भाजी स्वच्छ साफ करून घ्या. त्यानंतर भाजी काहीवेळ पाण्यात भिजत ठेवा.
• कढईमध्ये तेल गरम करून त्यात भरपूर बारीक चिरलेल्या लसूण पाकळ्या घालून लाल होईपर्यंत भाजा.
• त्यानंतर त्यात बारीक चिरून घेतलेली मेथीची भाजी घालून व्यवस्थित मिक्स करा. भाजी शिजण्यासाठी झाकण मारा.
• पॅनमध्ये शेंगदाणे, पांढरे तीळ आणि भाजलेली चणा डाळ लाल होईपर्यंत भाजा. थंड झाल्यानंतर मिक्सरमधून बारीक पावडर तयार करा.
• कढईमध्ये पुन्हा एकदा तेल गरम करून त्यात जिरं, मोहरी, हिंग घालून भाजा. नंतर त्यात कांदा, टोमॅटो घालून व्यवस्थित शिजवून घ्या.
• कांदा शिजल्यानंतर त्यात चवीनुसार मीठ, लाल तिखट, हळद, गरम मसाला आणि तयार केलेली पावडर घालून काहीवेळ परतवून घ्या.
• त्यानंतर तयार केलेल्या मसाल्यात शिजवून घेतलेली भाजी घालून व्यवस्थित मिक्स करा. काहीवेळ मंद आचेवर गॅस ठेवून भाजी शिजवून घ्या.
• तयार आहे सोप्या पद्धतीमध्ये बनवलेली लसूणी मेथी.