चॉकलेटपेक्षा लागेल भारी चव! लालचुटुक लिचीपासून घरी बनवा आंबटगोड ‘लिची जेली’, नोट करून घ्या रेसिपी

लहान मुलांना जेली खायला खूप आवडते. पण नेहमीच विकत आणलेली जेली खाण्यास देण्यापेक्षा तुम्ही मुलांना घरी बनवलेली खायला देऊ शकता. चला तर जाणून घेऊया लिची जेली बनवण्याची रेसिपी.

पावसाळ्याच्या दिवसांमध्ये बाजारात लिची, चेरी इत्यादी हंगामी फळे उपलब्ध असतात. लहान मुलांपासून ते अगदी मोठ्यांपर्यंत सगळ्यांचं लिची खायला खूप जास्त आवडते. चवीला आंबटगोड असलेली लिची पावसाळ्याच्या दिवसांमध्ये बाजारात मोठ्या प्रमाणावर उपलब्ध असते. फळांचे सेवन केल्यामुळे आरोग्याला अनेक फायदे होतात. लिचीमध्ये असलेला नैसर्गिक गोडवा, अँटीऑक्सिडंट्स, फायबर्स त्वचा निरोगी ठेवण्यास मदत करतात. याशिवाय पचनक्रिया निरोगी ठेवतात. लिची खाल्यामुळे इम्युनिटी वाढण्यास मदत होते. लहान मुलांसाठी बऱ्याचदा बाजारातून जेली विकत आणली जाते. विकत मिळणारी जेली बनवताना अनेक हानिकारक पदार्थांचा वापर केला जातो. त्यामुळे आज आम्ही तुम्हाला सोप्या पद्धतीमध्ये आंबटगोड लिचीपासून जेली बनवण्याची सोपी रेसिपी सांगणार आहोत. तुम्ही बनवलेली जेली लहान मुलांपासून अगदी मोठ्यांपर्यंत सगळ्यांचं खूप जास्त आवडते.(फोटो सौजन्य – pinterest)

Palak Paneer Recipe: चवीला मजेदार आणि पौष्टिक असा हॉटेलचा लोकप्रिय पदार्थ आता घरीच बनवा

साहित्य:

• लिची
• साखर
• चीन ग्रास पावडर
• बीटाचा रस
• पाणी

पावसाळ्यात गरमागरम वाफाळत्या भातासोबत बनवा आंबट-गोड चवीचे वरण, थंडीत घ्या चविष्ट जेवणाचा आस्वाद

कृती:

• लिची जेली बनवण्यासाठी सर्वप्रथम, लिची स्वच्छ धुवून घ्या. त्यानंतर लिचीची साल काढून त्यात बी सुद्धा काढा.
• लिचीचा काढून घेतलेला गर मिक्सरच्या भांड्यात टाकून बारीक पेस्ट तयार करा.
• पॅन गरम झाल्यानंतर त्यात तयार केलेली लिचीची पेस्ट टाकून मंद आचेवर शिजवा. त्यानंतर त्यात चवीनुसार साखर टाका.
• साखर व्यवस्थित मिक्स झाल्यानंतर तयार केलेल्या मिश्रणात चीन ग्रास पावडर आणि थोडस पाणी घालून व्यवस्थित मिक्स करून घ्या.
• जेलीचे मिश्रण चमच्याने सतत मिक्स करत राहा. घट्टसर मिश्रण झाल्यानंतर जेली व्यवस्थित तयार होईल.
• तयार केलेले मिश्रण चॉकलेट मोल्डमध्ये भरा. त्यानंतर त्यावर थोडासा बीटचा रस टाकून जेली फ्रिजमध्ये सेट होण्यासाठी ठेवा.
• ५ ते ५ तासांनंतर जेली तयार होईल. तयार आहे सोप्या पद्धतीमध्ये बनवलेली लिची जेली.