संध्याकाळच्या जेवणात हवा आहे चमचमीत पदार्थ! सोप्या पद्धतीमध्ये घरी बनवा ‘लखनऊ दम आलू’

संध्याकाळच्या जेवणात किंवा पाहुणे घरी आल्यानंतर अनेकदा काय बनवावं हे सुचत नाही. अशावेळी घाईगडबडीमध्ये झटपट तुम्ही लखनऊ दम आलू बनवू शकता. तुम्ही बनवलेला हा चविष्ट पदार्थ घरातील सगळ्यांना आणि पाहुण्यांना नक्कीच आवडेल.

भारतामध्ये बनवले जाणारे सर्वच पदार्थ जगभरात सगळीकडे खूप जास्त प्रसिद्ध आहेत. देश विदेशातील पर्यटक भारतातील खाद्य संस्कृतीची चव घेण्यासाठी आणि इथे असलेल्या वेगवेगळ्या पर्यटन स्थळांना भेट देण्यासाठी मोठ्या संख्येने येतात. त्यामध्ये लखनौचे नाव घेतल्यानंतर सगळ्यात आधी डोळ्यांसमोर येणारा पदार्थ म्हणजे लखनऊ दम आलू. लखनऊ दम आलू हा पदार्थ भारताचं नाही तर जगभरात सगळीकडे मोठ्या प्रमाणावर प्रसिद्ध आहे. अनेकदा संध्याकाळच्या जेवणात तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही लखनऊ दम आलू बनवू शकता. लखनऊ दम आलू हा पदार्थ चवीला अतिशय सुंदर लागतो. त्यामुळे हा पदार्थ जर जेवणात असेल तर दोन घास जेवण जास्त जाईल. चला तर जाऊन घेऊया लखनऊ दम आलू बनवण्याची सोपी रेसिपी.(फोटो सौजन्य – iStock)

गोड खाण्याची इच्छा झाल्यास सोप्या पद्धतीमध्ये घरी बनवा संत्र्याची खीर, आरोग्यासाठी ठरेल पौष्टिक

See more

साहित्य:

• छोट्या आकाराचे बटाटे
• दही
• बेसन
• लाल तिखट
• हळद
• मीठ
• गरम मसाला
• हिरव्या मिरच्या
• कोथिंबीर पाने
• तेल
• मीठ

आंबट गोड चवीच्या स्ट्रॉबेरीपासून बनवा चटकदार स्ट्रॉबेरी चटणी, जेवणात जातील चार घास जास्त

See more

कृती:

• लखनऊ दम आलू बनवण्यासाठी सर्वप्रथम, छोट्या आकाराचे बटाटे स्वच्छ धुवून कुकरमधून उकडवून घ्या. त्यानंतर थंड करून त्यांची साल काढून घ्या.
• दह्यामध्ये बेसन टाकून व्यवस्थित फेटून घ्या. बेसनाच्या पिठाची दह्यात एकही गुठळी ठेवू नका.
• त्यानंतर त्यात आलं लसूण पेस्ट, लाल तिखट, हळद, गरम मसाला, चवीनुसार मीठ, धणे जिऱ्याची पावडर टाकून मिश्रण व्यवस्थित मिक्स करा.
• कढईमध्ये तेल गरम करण्यासाठी ठेवा. तेल गरम झाल्यानंतर त्यात बटाट्याचे तुकडे आणि थोडंसं मीठ घालून व्यवस्थित भाजून घ्या.
• बटाटे सोनेरी रंगाचे होईपर्यंत भाजून झाल्यानंतर बाऊलमध्ये काढून घ्या.
• कढईमधील गरम तेलात जिरं टाकून वरून तयार करून घेतलेले दह्याचे मिश्रण घालून व्यवस्थित मिक्स करून घ्या.
• दही हळूहळू घट्ट होण्यास सुरुवात होईल. त्यामुळे दही सतत ढवळत राहा. यामुळे कढईला पदार्थ लागणार नाही.
  दह्याच्या मिश्रणाला तेल सुटल्यानंतर त्यात बटाटे घालून व्यवस्थित मिक्स करा. नंतर वरून दोन हिरव्या मिरच्या घालून मिक्स करा.
• बटाटे आणि ग्रेव्ही व्यवस्थित शिजल्यानंतर गॅस बंद करून वरून कोथिंबीर टाकून मिक्स करा.
• तयार आहे सोप्या पद्धतीमध्ये बनवलेले लखनऊ दम आलू.