Krishna Janmashtami 2025: लोण्याचा वापर न करता १० मिनिटांमध्ये झटपट बनवा ‘माखन मिश्रीचा’ नैवेद्य, नोट करा घ्या चविष्ट पदार्थ

गोकुळाष्टमीच्या दिवशी घरात अनेक वेगवेगळ्या पदार्थांचा नैवेद्य बनवला जातो. त्यामुळे आज आम्ही तुम्हाला माखन मिश्री बनवण्याची सोपी रेसिपी सांगणार आहोत. हा पदार्थ कृष्णाला खूप जास्त आवडतो.

श्रावण महिन्यात अनेक सण समारंभ असतात. सणांचा महिना म्हणून श्रावण महिन्याची खास ओळख आहे. त्यातील सगळ्यांचा आवडता सण म्हणजे गोकुळाष्टमी. सर्वच घरांमध्ये गोकुळाष्टमीच्या तयारीला सुरुवात झाली आहे. यादिवशी लाडक्या श्री कृष्णाचे आवडते पदार्थ प्रत्येक घरात बनवले जातात. कृष्णाला लोणी खायला खूप जास्त आवडते. त्यामुळे प्रत्येक घरात माखन मिश्री बनवली जाते. याशिवाय इतरही वेगवेगळ्या पदार्थांचा नैवेद्य घरात बनवला जातो. पणधावपळीच्या जीवनशैलीमुळे आणि कामाच्या वाढलेल्या तणावामुळे जास्त वेळ मिळत नाही.तूप किंवा लोण्यापासून पदार्थ बनवताना जास्तीचा वेळ लागतो. अतिशय किचकट रेसिपी करण्याचा अनेक लोक कंटाळा करतात. अशावेळी मिठाईचे पदार्थ बाजारातून विकत आणले जातात. पण आज आम्ही तुम्हाला १० मिनिटांमध्ये माखन मिश्री बनवण्याची सोपी रेसिपी सांगणार आहोत. या पद्धतीने बनवलेली माखन मिश्री चवीला अतिशय सुंदर लागते. चला तर जाणून घेऊया माखन मिश्री बनवण्याची सोपी रेसिपी.(फोटो सौजन्य: Pinterest)

महाराष्ट्राचा पारंपरिक अन् पौष्टिक नाश्ता; झटपट घरी बनवा चविष्ट दडपे पोहे; चव इतकी चटकदार की सर्वच होतील खुश

साहित्य:

• साजूक तूप
• बर्फाचे खडे
• खडीसाखर
• केशर

Independence Day 2025 : स्वातंत्र्यदिनाचा दिवस होईल आणखीनच गोड, घरी बनवून तर पाहा तिरंगा कुल्फी

कृती:

• माखन मिश्री बनवण्यासाठी सर्वप्रथम, मोठ्या वाटीमध्ये किंवा ताटात ५ चमचे तूप घेऊन त्यात ६ ते ७ बर्फाचे खडे टाकून मिक्स करा.
• तसेच त्यात केशर काड्या टाकून व्यवस्थित मिक्स करून घ्या.
• त्यानंतर हाताच्या सहाय्याने बर्फाचे खड्डे तुपामध्ये गोलाकार फिरून लोणी तयार करा. लोणी तयार करताना त्यातील पाणी काढून टाकावे.
• व्यवस्थित लोणी तयार झाल्यानंतर बर्फाचे खडे काढून टाकावे. तयार केलेले लोणी हाताने व्यवस्थित मिक्स करून घ्या. नंतर त्यात पिठीसाखर किंवा खडीसाखर टाकून व्यवस्थित मिक्स करा.
• तयार केलेले माखन वाटीमध्ये काढून वरून केशर काड्या टाकून सर्व्ह करा. तयार आहे सोप्या पद्धतीमध्ये बनवलेली माखन मिश्री.