Shravan 2025: पारंपरिक पद्धतीने घरी बनवा गव्हाच्या पिठाचा मालपुवा, गोड पदार्थानी वाढेल सणाची रंगत

श्रावण महिन्यात घरामध्ये अनेक नवनवीन गोड पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये गव्हाच्या पिठाचा मालपुवा बनवण्याची सोपी रेसिपी सांगणार आहोत.

श्रावण महिन्यात घरामध्ये अनेक गोडाचे चविष्ट पदार्थ बनवले जातात.शेवयांची खीर, तांदळाची खीर, शिरा, गुलाबजाम किंवा रसमलाई इत्यादी अनेक पदार्थ बनवले जातात. घरातील सगळ्यांचं गोड पदार्थ खायला खूप जास्त आवडतात. पण कायमच हे ठराविक पदार्थ खाऊन कंटाळा आल्यानंतर काहींना काही पारंपरिक आणि चविष्ट पदार्थ खाण्याची इच्छा होते. अशावेळी तुम्ही गव्हाच्या पिठाचा मालपुवा बनवू शकता. मालपुवा हा राजसथनमधील मिठाईचा पदार्थ आहे. राजस्थान ,गुजरात ,मध्य प्रदेश इत्यादी भागांमध्ये मालपुवा प्रामुख्याने बनवला जातो. याशिवाय मारवाडी लोक सणाच्या दिवशी घरात मालपुवा, घेवर, सत्तूचे लाडू इत्यादी अनेक नवनवीन पदार्थ कायमच बनवत असतात. गव्हाच्या पिठाचा वापर करून बनवलेला मालपुवा चवीसोबत आरोग्यासाठी सुद्धा अतिशय गुणकारी आहे. चला तर जाणून घेऊया मालपुवा बनवण्याची सोपी रेसिपी.(फोटो सौजन्य: Pinterest)

जेवणात करा झणझणीत बेत! ५ मिनिटांमध्ये झटपट बनवा टोमॅटो ठेचा, नोट करून घ्या रेसिपी

साहित्य:

• गव्हाचं पीठ
• साखर
• वेलची पावडर
• मध
• तूप
• केशर
• रवा
• दुधाची साय

Breakfast Recipe: सकाळच्या नाश्त्यासाठी झटपट बनवा ज्वारीचा इंस्टंट डोसा, वजन कायमच राहील नियंत्रणात

कृती:

• गव्हाच्या पिठाचा मालपुवा बनवण्याची सर्वप्रथम, मोठ्या वाटीमध्ये रवा आणि गव्हाचं पीठ एकत्र मिक्स करून घ्या. त्यानंतर त्यात चवीनुसार मीठ टाका.
• नंतर त्यात दुधाची साय आणि आवश्यकतेनुसार दूध घालून व्यवस्थित मिक्स करा. मालपुवा बनवताना त्यात जास्त दूध टाकू नये.
• मोठ्या टोपात पाणी गरम करून त्यात साखर टाकून पाक तयार करा. पाक तयार झाल्यानंतर साखरेचा चिकटपणापाण्यामध्ये उतरेल.
• कढईमध्ये तूप गरम करून त्यात तयार केलेल्या मिश्रणाचे छोटे छोटे मालपुवा टाकून दोन्ही बाजूने व्यवस्थित भाजून घ्या.
• त्यानंतर तयार केलेले मालपुवा साखरेच्या पाकात काहीवेळ टाकून ठेवा.
• २ मिनिटांनंतर साखरेच्या पाकातील मालपुवा ताटात काढून घ्या. केशर काड्या आणि बारीक चिरलेला सुका मेवा टाकून मालपुवा खाण्यासाठी सर्व्ह करा.
• तयार आहे पारंपरिक पद्धतीमध्ये बनवलेला गव्हाच्या पिठाचा मालपुवा.