जेवणात करा झणझणीत बेत! ५ मिनिटांमध्ये झटपट बनवा टोमॅटो ठेचा, नोट करून घ्या रेसिपी

गरमागरम भाकरी आणि चपातीसोबत तुम्ही टोमॅटो ठेचा बनवू शकता. हा पदार्थ चवीला अतिशय सुंदर लागतो. टोमॅटो खाणे आरोग्यासाठी अतिशय चांगले आहे. चला तर जाणून घेऊया टोमॅटो ठेचा बनवण्याची सोपी.

जेवणात करा झणझणीत बेत! ५ मिनिटांमध्ये झटपट बनवा टोमॅटो ठेचा

Follow Us:

Follow Us:

पावसाळ्याच्या दिवसांमध्ये सगळ्यांचं जेवणाच्या ताटात काहींना काही झणझणीत पदार्थ हवा असतो. कधी जेवणात तिखट भाजी बनवली जात तर कधी मसालेदार तिखट आमटी बनवली जाते. पण नेहमीच तेच पदार्थ खाऊन कंटाळा आल्यानंतर तुम्ही सोप्या पद्धतीमध्ये टोमॅटोचा ठेचा बनवू शकता. याआधी तुम्ही मिरचीचा ठेचा, शेंगदाण्याचा ठेचा किंवा लसूण ठेचा खाल्ला असेल. कोल्हापुरी चवीचा ठेचा जेवणात असेल तर चार घास जेवण जास्त जाईल. टोमॅटोचा ठेचा आठवडाभर व्यवस्थित टिकून राहतो. गरमागरम भाकरी किंवा चपातीसोबत ठेचा अतिशय सुंदर लागेल. तोंडाची चव बदलण्यासाठी तुम्ही टोमॅटो ठेचा बनवू शकता. जेवणातील सर्वच पदार्थ बनवताना टोमॅटोचा वापर केला जातो. यामुळे जेवणाची चव वाढते आणि आरोग्याला सुद्धा अनेक फायदे होतात. चला तर जाणून घेऊया टोमॅटो ठेचा बनवण्याची सोपी रेसिपी.(फोटो सौजन्य – istock)

आंबट गोड चवीच्या पपनीसपासून झटपट बनवा ‘हा’ चविष्ट पदार्थ, लहान मुलांपासून अगदी मोठ्यांपर्यंत सगळ्यांचं आवडेल पदार्थ

साहित्य:

• टोमॅटो
• हिरव्या मिरच्या
• लसूण
• मीठ
• तेल
• जिरं

लहान मुलांच्या डब्यासाठी १० मिनिटांमध्ये झटपट बनवा कुरकुरीत बेसन भेंडी फ्राय, चवीला लागेल मस्त

कृती:

• टोमॅटो ठेचा बनवण्यासाठी सर्वप्रथम, टोमॅटो स्वच्छ धुवून दोन तुकडे करा.
• तवा गरम करून त्यावर तेल टाका. गरम तेलात टोमॅटो टाकून व्यवस्थित भाजून घ्या. त्यानंतर त्यात हिरव्या मिरच्या टाका.
• दोन्ही पदार्थ व्यवस्थित भाजल्यानंतर टोमॅटोची साल काढून घ्या. त्यानंतर त्यात लसूण पाकळ्या टाका.
• सर्व साहित्य व्यवस्थित भाजून झाल्यानंतर खलबत्यामध्ये टाकून सर्व पदार्थ मिक्स करा. त्यानंतर त्यात चवीनुसार मीठ आणि जिरं टाकून मिक्स करा.
• ठेचा व्यवस्थित बारीक करून झाल्यानंतर वाटीमध्ये काढून व्यवस्थित मिक्स करा.
• तयार आहे सोप्या पद्धतीमध्ये बनवलेला टोमॅटोचा ठेचा. हा पदार्थ गरमागरम भाकरीसोबत सुंदर लागेल.

Web Title: How to make tomato thecha at home benefits of eating tomato easy food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com