चहासोबत खाण्यासाठी बनवा स्पेशल पदार्थ! झटापट घरीच बनवा खमंग खुसखुशीत आंब्याचे घारगे, १० दिवस राहतील टिकून

आंब्याचा वापर करून अनेक पदार्थ बनवले जातात. मात्र आज आम्ही तुम्हाला १० दिवस टिकणारे आंब्याचे घारगे बनवण्याची सोपी रेसिपी सांगणार आहोत. हा पदार्थ घरातील लहान मुलांसह सगळ्यांचं खूप आवडेल.

मे महिन्यात बाजारात मोठ्या प्रमाणावर हापूस, रायवळी आंबे मोठ्या प्रमाणावर उपलब्ध असतात. आंब्याचे नाव घेतल्यानंतर अनेकांच्या तोंडाला पाणी सुटते. आंब्यांपासून आमरस, रायता, सांदण, साठ, आंब्याची वडी इत्यादी अनेक पदार्थ बनवले जातात. मात्र आज आम्ही तुम्हाला सोप्या पद्धतीमध्ये आंब्याचे खुसखुशीत घारगे बनवण्याची सोपी रेसिपी सांगणार आहोत. काकडी किंवा भोपळ्यापासून घारगे बनवले जातात. मात्र या पदार्थांशिवाय आंब्याचा वापर करूनसुद्धा चविष्ट घारगे बनवले जातात. घारगे हा पदार्थ 10 दिवसांपेक्षा जास्त वेळ व्यवस्थित टिकून राहतो. त्यामुळे लांबच्या प्रवासात कुठेही बाहेर जाताना किंवा लहान मुलांसाठी सकाळच्या नाश्त्यात तुम्ही हा पदार्थ बनवू शकता. चला तर जाणून घेऊया आंब्याचे घारगे बनवण्याची सोपी रेसिपी.(फोटो सौजन्य – pinterest)

रताळी खायला आवडत नाहीत? मग सोप्या पद्धतीमध्ये घरी बनवा रताळ्याचे गोड काप, उपवासासाठी चविष्ट पदार्थ

साहित्य:

• हापूस आंब्याचं गर
• गूळ
• गव्हाचं पीठ
• मीठ
• तेल
• पाणी
• वेलची पावडर

पिठलं बनवताना पिठाच्या गाठी होतात? मग ‘या’ पारंपारिक पद्धतीचा वापर करून झटपट बनवा झणझणीत पिठलं

कृती:

• आंब्याचे घारगे बनवण्यासाठी सर्वप्रथम, हापूस आंबा स्वच्छ धुवून त्याची साल काढून घ्या. त्यानंतर आंब्याचे बारीक तुकडे करा.
• मिक्सरच्या भांड्यात आंब्याचे तुकडे घेऊन बारीक पेस्ट तयार करा. तयार केलेली पेस्ट मोठ्या भांड्यात काढून त्यात गूळ टाकून शिजवून घ्या.
• व्यवस्थित शिजल्यानंतर आंब्याचा गर घट्टसर होईल. घट्ट झालेल्या आंब्याचा रस गाळणीच्या सहाय्याने गाळून घ्या.
• त्यानंतर त्यात वेलची पावडर, चवीनुसार मीठ आणि गव्हाचं पीठ मिक्स करा. पीठ व्यवस्थित मिक्स करून घ्या.
• घट्टसर पीठ मळून झाल्यानंतर काहीवेळ पीठ बाजूला झाकून ठेवा. यामुळे पीठ व्यवस्थित मिक्स होईल.
• तयार केलेल्या पिठाचे छोटे छोटे गोळे करून पुरीच्या आकारात घारगे लाटून कढईतील गरम तेलात तळून घ्या.
• तयार आहेत सोप्या पद्धतीमध्ये बनवलेले आंब्याच्या रसातील घारगे.