गोड पदार्थ खाण्याची इच्छा झाल्यास सोप्या पद्धतीमध्ये बनवा हापूस आंब्यांची चविष्ट खीर, नोट करा रेसिपी

हापूस आंब्यांपासून अनेक वेगवेगळे पदार्थ बनवले जातात. म्हणूनच आज आम्ही तुम्हाला आंब्यांची खीर बनवण्याची सोपी रेसिपी सांगणार आहोत. आंब्याची खीर कोणत्याही सणावाराच्या दिवशी तुम्ही बनवू शकता.

आपल्यातील अनेकांना रोजच्या जेवणात काहींना काही गोड पदार्थ खाण्याची सवय असते. गोड पदार्थ म्हंटल की शिरा, गुलाबजाम किंवा रसगुल्ला इत्यादी ठरविक पदार्थ खाल्ले जातात. मात्र नेहमीच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही हापूस आंब्यांचा वापर करून खीर बनवू शकता. हापूस आंब्यांचे नाव ऐकल्यानंतर सगळ्यांच्या तोंडाला पाणी सुटते. कोकणासह जगभरात सगळीकडे प्रसिद्ध असलेला हापूस आंबा कोकणाची शान आहे. हापूस आंब्याचा वापर करून अनेक वेगवेगळे पदार्थ बनवले जातात. मँगो शिरा, सांदण, मँगो केक किंवा आंब्याची पोळीसुद्धा बनवली जाते. पण आज आम्ही तुम्हाला आंब्याची खीर बनवण्याची सोपी रेसिपी सांगणार आहोत. कमीत कमी साहित्यात झटपट तयार होणारी मँगो खीर सगळ्यांचं खूप जास्त आवडेल.(फोटो सौजन्य – pinterest)

संध्याकाळच्या जेवणात १० मिनिटांमध्ये बनवा चटकदार बटाट्याची कोशिंबीर, पोळीसोबत लगेच चविष्ट

साहित्य:

• आंब्याचा गर
• दूध
• साखर
• काजू बदाम
• केशर
• तांदूळ
• वेलची पावडर
• जायफळ पावडर
• तूप

ऑफिसचा डब्बा होईल आणखीनच स्पेशल! घाईगडबडीमध्ये झटपट बनवा चमचमीत भरलेली भेंडी, नोट करून घ्या रेसिपी

कृती:

• आंब्याची खीर बनवण्यासाठी सर्वप्रथम, चांगले साफ करून धुवून घेतलेले तांदूळ ३० मिनिटं पाण्यात भिजत ठेवा.
• कढईमध्ये दूध गरम करण्यासाठी ठेवा. दुधाला उकळी आल्यानंतर गॅस बारीक करून दूध आटवण्यासाठी ठेवा.
• त्यानंतर त्यात भिजवलेले तांदूळ घालून व्यवस्थित शिजवून मॅश करा. तांदूळ पूर्णपणे शिजल्याशिवाय त्यात कोणतेही पदार्थ टाकू नये.
• तांदूळ शिजल्यानंतर त्यात चवीनुसार साखर आणि वेलची पावडर घालून मिक्स करा.
• खीर अर्धवट शिजल्यानंतर त्यात आंब्याचा गर घालून वरून भाजून घेतलेले काजू, बदाम घालून मिक्स करा.
• खीर दाटसर झाल्यानंतर त्यात केशरच्या काड्या घालून पुन्हा एकदा मिक्स करा.
• तयार आहे सोप्या पद्धतीमध्ये बनवलेली आंब्याची खीर. हा पदार्थ तुम्ही पुरीसोबत सुद्धा खाऊ शकता