कच्च्या कैरीपासून बनवा आंबटगोड चवीचा चटपटीत मेथांबा! जेवणात येईल मस्त चव, नोट करून घ्या रेसिपी

उन्हाळ्यात कैरीपासून वेगवेगळे पदार्थ बनवले जातात. मात्र आज आम्ही तुम्हाला तुम्हाला आंबटगोड चवीचा मेथांबा बनवण्याची सोपी रेसिपी सांगणार आहोत. या पद्धतीने मेथांबा बनवल्यास चव अतिशय सुंदर लागेल.

उन्हाळा सुरु झाल्यानंतर बाजारात कच्ची कैरी मोठ्या प्रमाणात उपलब्ध होते. कच्च्या कैरीचा वापर करून वेगवेगळे पदार्थ बनवले जातात. आंबटगोड चवीची कच्ची कैरी लहान मुलांपासून ते अगदी मोठ्यांपर्यंत सगळ्यांचं खूप आवडते. कैरीचे नाव घेतल्यानंतर सगळ्यांच्या तोंडाला पाणी सुटते. उन्हाळा म्हंटल की सगळ्यात पहिली आठवण कैरीची येते. उन्हाळा सुरु झाल्यानंतर कैरीपासून मुरंबा, कैरीचे लोणचं, कैरीची चटणी, कैरीचे पन्ह इत्यादी अनेक पदार्थ बनवले जातात. राज्यातील वेगवेगळ्या भागात अनेक वेगवेगळ्या पद्धतीने कैरीचे पदार्थ बनवले जातात. त्यामुळे आज आम्ही तुम्हाला सोप्या पद्धतीमध्ये कैरीचा मेथांबा बनवण्याची सोपी रेसिपी सांगणार आहोत. या पद्धतीमध्ये मेथांबा बनवण्यास घरातील सगळ्यांना नक्की आवडेल. (फोटो सौजन्य – iStock)

कडक उन्हाळ्यात ताक ठरेल शरीरासाठी संजीवनी! पोटाला थंडावा देण्यासाठी घरी बनवा सोप्या पद्धतीमध्ये मसालेदार ताक

साहित्य:

• कैरी
• लाल तिखट
• जिरे पावडर
• गूळ
• मेथी
• तेल
• हिंग
• मोहरी

बटाट्याऐवजी, यावेळी बेसन-रव्यापासून बनवा कुरकुरीत टिक्की, लगेच नोट करा रेसिपी

कृती:

• कैरीचा मेथांबा बनवण्यासाठी सर्वप्रथम, कैरी स्वच्छ धुवून साल काढून बारीक बारीक तुकडे करून घ्या.
• त्यानंतर कढईमध्ये तेल गरम करून त्यात मोहरी, मेथीचे दाणे आणि हिंग टाकून भाजून घ्या.
• नंतर त्यात कैरी टाकून शिजवून घ्या. कैरीला एक वाफ आल्यानंतर त्यात लाल तिखट, हळद आणि चवीनुसार मीठ टाकून मिक्स करा.
• कैरी शिजल्यानंतर सगळ्यात शेवटी त्यात गूळ टाकून ते पूर्णपणे वितळवून घ्या.
• तयार आहे सोप्या पद्धतीमध्ये बनवलेला कैरीचा मेथांबा.