कुकरमध्ये १० मिनिटांमध्ये बनवा चटकदार आंबटगोड कैरीचे लोणचं! पदार्थ पाहून तोंडाला सुटेल पाणी, नोट करून घ्या रेसिपी

लहान मुलांपासून मोठ्यांपर्यंत सगळ्यांचं लोणचं खायला खूप आवडत. त्यामुळे आज आम्ही तुम्हाला १० मिनिटांमध्ये कुकरमध्ये कैरीचे लोणचं बनवण्याची सोपी रेसिपी सांगणार आहोत.

उन्हाळ्याच्या दिवसांमध्ये प्रत्येक घरात लोणच, वाळवणाचे पदार्थ, कुरडया, पापड इत्यादी अनेक पदार्थ बनवले जातात. या दिवसांमध्ये वर्षभर पुरतील असे पदार्थ बनवले जातात. याशिवाय उन्हाळ्यात कच्च्या कैरीपासून आवर्जून बनवला जाणारा पदार्थ म्हणजे कच्च्या कैरीचे लोणचं. लोणचं पाहिल्यानंतर अगदी लहान मुलांपासून मोठ्यांपर्यंत सगळ्यांच्या तोंडाला पाणी सुटते. जेवणात कैरीची लोणचं असेल तर दोन घास जेवण जास्त जात. बऱ्याचदा बाजारातून विकत आणलेले लोणचं एक किंवा दोन महिन्यानंतर लगेच खराब होऊन जाते. लोणच्यामधील तेल खराब होणे, लोणच्याला बुरशी येणे इत्यादीमुळे लोणचं खराब होऊन जाते. म्हणूनच आज आम्ही तुम्हाला कुकरचा वापर करून १० मिनिटांमध्ये चटपटीत मसालेदार कच्च्या कैरीचे लोणचं बनवण्याची सोपी कृती सांगणार आहोत. बऱ्याचदा लोणचं मुरण्यासाठी ३ ते ४ दिवसांचं वेळ लागतो. पण कुकरमध्ये लोणचं झटपट तयार होते.(फोटो सौजन्य – iStock)

Alu Vadi Recipe: महाराष्ट्रीयन स्टाईल पारंपरिक अळूवडी रेसिपी; जेवणाची चव होईल द्विगुणित

साहित्य:

• कच्ची कैरी
• लोणचं मसाला
• मोहरीची डाळ
• हळद
• तेल
• बडीशेप
• जिरं
• मेथी दाणे
• मोहरी
• कलोंजी
• लाल तिखट
• हिंग
• ओवा

उन्हाळ्यात शरीराला थंडावा देण्यासाठी सोप्या पद्धतीमध्ये बनवा विकतसारखा बदाम शेक,नोट करून घ्या शेक बनवण्याची रेसिपी

कृती:

• कच्च्या कैरीचे लोणचं बनवण्यासाठी सर्वप्रथम, कैरी स्वच्छ धुवून घ्या. त्यानंतर कैरीचे बारीक बारीक तुकडे करा.
• कैरीच्या तुकड्याना हळद आणि चवीनुसार मीठ टाकून मिक्स करून घ्या.
• पॅनमध्ये मेथी, ओवा, बडीशेप, धणे, मोहरी आणि काळीमिरी घेऊन खमंग भाजून घ्या. त्यानंतर जाडसर पावडर बनवा. भाजून घेतलेल्या मसाल्यांमध्ये कलोंजी मिक्स करा.
• कुकरमध्ये तेल गरम करून त्यात हिंग आणि लाल तिखट टाकून कच्च्या कैरीचे बारीक तुकडे टाकून मिक्स करून घ्या.
• त्यानंतर मसाला व्यवस्थित मिक्स करून कुकरचे झाकण लावून ५ मिनिटं ठेवा. त्यानंतर तयार केलेला मसाला त्यात टाकून व्यवस्थित मिक्स करा.
• तयार केलेले लोणचं थंड झाल्यानंतर काचेच्या बरणीमध्ये भरून ठेवा. तयार आहे सोप्या पद्धतीमध्ये बनवलेले कच्च्या कैरीचे लोणचं.