Alu Vadi Recipe: महाराष्ट्रीयन स्टाईल पारंपरिक अळूवडी रेसिपी; जेवणाची चव होईल द्विगुणित

अळू वडी हा महाराष्ट्रीयन खाद्यसंस्कृतीतील एक लोकप्रिय आणि चवदार पदार्थ आहे. अळूची पाने, त्यात भरलेले सारण आणि बाहेरील कुरकुरीत आवरण या पदार्थाला आणखीन खास बनवते. अळूवडी फार सोप्या पद्धतीने घरी तयार करता येते.

(फोटो सौजन्य – Pinterest)

Follow Us:

Follow Us:

अळू वडी हा महाराष्ट्रातील पारंपरिक आणि लोकप्रिय असा पदार्थ आहे. ही एक साईड डिश असून अळूच्या पानांपासून याला तयार केले जाते. अळूची पाने आणि मसालेदार सारणात भरलेली ही वडी चवीला फार अप्रतिम लागते. याची मसालेदार आणि कुरकुरीत चव सर्वांच्याच आवडीची आहे. काही भागांत याला पातोडी अथवा पत्रोडा असेही म्हटले जाते. अळूवडी नाश्त्याला, डब्यात किंवा जेवणासोबत खाण्यासाठी एक उत्तम पर्याय आहे. घरी आलेल्या पाहुण्यांनाही तुम्ही हा पदार्थ सर्व्ह करु शकता.

नाश्त्यात तेच तेच पदार्थ खाऊन कंटाळा आल्यास सोप्या पद्धतीमध्ये घरी बनवा दही मखाणा, दिवसभर राहालं फ्रेश

अळूवडी फक्त चवीलाच नाही तर आरोग्यासाठीही फायदेशीर मानली जाते. अळूच्या पानांमध्ये भरपूर पोषक घटक असतात, जे आरोग्यासाठी फायदेशीर ठरतात. आहारतज्ञांच्या मते, अळूवडी मेंदूसाठीही चांगली असते. सणावेळी किंवा कोणत्या खास प्रसंगी तुम्ही हा पारंपारीक पदार्थ घरी तयार करु शकता. यासाठी फार वेळेची गरज लागत नाही. अजूनही जर तुम्ही या पदार्थाचा आस्वाद घेतला नसेल तर एकदा तरी हा पदार्थ घरी नक्की बनवून पाहा. जाणून घेऊया यासाठी लागणारे साहित्य आणि कृती.

साहित्य:

• अळूची ८–१० मध्यम आकाराची पाने
• बेसन – १ कप
• तांदळाचे पीठ – २ टेबलस्पून
• गूळ – २ टेबलस्पून (किसून)
• चिंच – १ टेबलस्पून (पाणी घालून कोळून घेतलेली)
• आलं–लसूण–हिरवी मिरची पेस्ट – २ टीस्पून
• हळद – ¼ टीस्पून
• लाल तिखट – १ टीस्पून
• धने–जिरे पूड – १ टीस्पून
• हिंग – १ चिमूट
• मीठ – चवीनुसार
• तेल – तळण्यासाठी
• खोबरं आणि कोथिंबीर – सजावटीसाठी

घरी आलेल्या पाहुण्यांना खाऊ घाला टेस्टी मोनॅको बिस्कीट चाट; 10 मिनिटांची रेसिपी

कृती:

• अळूवडी तयार करण्यासाठी सर्वप्रथम अळूची पाने स्वच्छ धुवा, कोरडी करून त्यांचे देठ काढा आणि पानं उलटी करून ठेवा
• बेसनाचं मिश्रण तयार करा, यासाठी एका भांड्यात बेसन, तांदळाचं पीठ, गूळ, चिंच कोळ, आलं-लसूण-मिरची पेस्ट, हळद, तिखट, हिंग, धने-जिरे पूड आणि मीठ घालून पाणी घालत घट्टसर पेस्ट बनवा
• यानंतर आपल्या पान थापवून घ्यायची आहेत, एका अळूच्या पानावर थोडं मिश्रण पसरवा, त्यावर दुसरं पान ठेवा,
• पुन्हा मिश्रण लावा. असं ४–५ पानं लावून रोल तयार करा
• हा रोल एका धाग्याने चांगला गुंडाळून घ्या
• आता गॅसवर एक इडली पात्र ठेवा आणि यात पाणी टाका
• पाणी उकळले की मग साच्यात रोल ठेवून हा १५–२० मिनिटे चांगला वाफवून घ्या
• रोल वाफवून झाला की त्याला बाहेर काढा आणि थंड होऊ द्या
• रोल थंड झाल्यावरच चाकूच्या मदतीने याचे काप करा
• तयार काप गरम तेलात मध्यम आचेवर छान कुरकुरीत होईपर्यंत तळून घ्या
• अशाप्रकारे तुमची अळू वडी तयार आहे
• तयार वडी एका प्लेटमध्ये काढा, सजावटीसाठी तुम्ही यावर किसलेलं ओलं खोबरं टाकू शकता

Web Title: Maharashtrian style traditional alu vadi recipe know in detail

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com