नेहमीच वरण भात खाऊन कंटाळा आला असेल तर दक्षिण भारतीय पद्धतीने बनवा मँगो रस्सम, वाफाळत्या भातासोबत लागेल सुंदर

गरमागरम वाफाळत्या भातासोबत वरण खाऊन कंटाळा आल्यास झटपट तुम्ही मँगो रस्सम बनवू शकता. हा पदार्थ १० मिनिटांमध्ये झटपट तयार होतो. जाणून घ्या रेसिपी.

जेवणाच्या ताटात कायमच आमटी भात, डाळभात हे पदार्थ प्रामुख्याने असतात. जेवणाच्या ताटात जर डाळभात नसेल तर जेवल्यासारखे अजिबात वाटत नाही. मसूर डाळ, तूरडाळ आणि मुगडाळ इत्यादी डाळींचा वापर करून वेगवेगळ्या पद्धतीने आमटी किंवा वरण बनवले जाते. पण नेहमीच तेच खाऊन कंटाळा आल्यानंतर काहींना काहीं नवीन पदार्थ खाण्याची सगळ्यांचं खूप जास्त इच्छा होते. म्हणूनच आज आम्ही तुम्हाला दक्षिण भारतीय पद्धतीमध्ये मँगो रस्सम बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. याशिवाय गरमागरम भातासोबत रस्सम अतिशय चविष्ट आणि सुंदर लागते. दक्षिण भारतीय पदार्थ केवळ भारतातच नाहीतर संपूर्ण जगभरात प्रसिद्ध आहेत. उन्हाळ्याच्या दिवसांमध्ये बाजारात आंबे उपलब्ध असतात. त्यामुळे आंब्यांपासून तुम्ही विविध पदार्थ बनवू शकता. हे पदार्थ केवळ चवीलाच नाहीतर आरोग्यासाठी सुद्धा पौष्टिक आहेत. चला तर जाणून घेऊया मँगो रस्सम बनवण्याची सोपी रेसिपी.(फोटो सौजन्य – pinterest)

कडक उन्हात शरीराला मिळेल थंडावा! झटपट बनवा Mango Rabdi Faluda, पाहताच क्षणी सुटेल तोंडाला पाणी

साहित्य:

• अर्धवट पिकलेली कैरी
• कांदा
• लसूण
• जिरं
• हिरव्या मिरच्या
• आलं
• काळीमिरी पावडर
• लाल तिखट
• मीठ
• तेल
• चिंच
• कडीपत्ता
• हिंग
• मोहरी

Sunday Special Recipe : सुट्टीच्या दिवशी नाश्ताही करा मजेदार, घरी बनवा टेस्टी आणि झटपट तयार होणारा ‘पनीर चीज टोस्ट’

कृती:

• मँगो रस्सम बनवण्यासाठी सर्वप्रथम, चाळणी गरम करून त्यावर कैरी भाजून घ्या. भाजलेली कैरी थंड झाल्यानंतर साल काढून आतील गर काढा.
• मिक्सरच्या भांडयात जिरे, हिरव्या मिरच्या, लसूण पाकळ्या, कांदा, आलं, काळीमिरी घालून बारीक पेस्ट तयार करा. हे साहित्य तुम्ही खलबत्यामध्ये सुद्धा वाटू शकता.
• मोठ्या टोपात कैरीचा गर आणि तयार केलेले मिश्रण एकत्र करून त्यात आवश्यकतेनुसार पाणी घालून मिक्स करा.
• त्यानंतर त्यात लाल तिखट, हळद, चिंच गर आणि चवीनुसार मीठ, गूळ टाकून रस्सम उकळवून घ्या. व्यवस्थित शिजल्यानंतर गॅस मंद आचेवर ठेवावा.
• फोडणीच्या वाटीमध्ये तेल गरम करून त्यात जिरे, मोहरी, लाल मिरच्या, कडीपत्ता, हिंग घालून फोडणी भाजा आणि तयार केलेल्या रस्सममध्ये ओतून मिक्स करून घ्या.
• तयार आहे दक्षिण भारतीय पद्धतीमध्ये बनवलेले मँगो रस्सम.