सत्यनारायणाच्या पूजेतील प्रसादासाठी झटपट बनवा आंब्यांचा मऊसूत शिरा, तोंडात टाकताच जाईल विरघळून

सत्यनारायणाच्या प्रसादात कायमच केळी आणि इतर पदार्थ टाकून पांढऱ्या रंगाचा शिरा बनवला जातो. पण आज आम्ही तुम्हाला सोप्या पद्धतीमध्ये आंब्याचा शिरा बनवण्याची रेसिपी सांगणार आहोत.

भारतीय संस्कृतीमध्ये शुभ कार्याच्या दिवशी घरात सत्यनारायणाची पूजा केली जाते. प्रसादासाठी कायमच सव्वा किलो रव्याचा शिरा बनवला जातो. प्रसादासाठी बनवा मऊ, लुसलुशीत आणि दाणेदार शिरा सगळ्यांचं खूप जास्त आवडतो. रवा आणि केळीचा वापर करून कायमच शिरा बनवला जातो. पण आज आम्ही तुम्हाला सत्यनारायणाच्या पूजेत आंब्याचा मऊसूत शिरा बनवण्याची सोपी रेसिपी सांगणार आहोत. या पद्धतीने बनवलेला शिरा चवीला अतिशय सुंदर लागतो. उन्हाळा ऋतूला सुरुवात झाल्यानंतर बाजारात मोठ्या प्रमाणावर हापूस आंबे उपलब्ध होतात. आंब्यांपासून वेगवेगळे पदार्थ कायमच बनवले जातात. आंब्याचा नैसर्गिक पिवळा रंग उतरल्यामुळे शिऱ्याला अतिशय सुंदर चव लागते.बऱ्याचदा घरी आलेल्या पाहुण्यांना किंवा लग्नाच्या पगंतीमध्ये गोड पदार्थ काय बनवावा सुचत नाही, अशावेळी तुम्ही आंब्याचा मऊसूत शिरा बनवू शकता. पण अनेकदा आंब्याचा शिरा बनवताना खूप जास्त चुका होतात. पण या पद्धतीने बनवलेला शिरा कधीच फसणार नाही. चला तर जाणून घेऊया आंब्याचा शिरा बनवण्याची सोपी रेसिपी.(फोटो सौजन्य – pinterest)

Recipe : वजन सांभाळत खा चटपटीत! घरी बनवा कुरकुरीत पण चवदार ‘अ‍ॅव्होकॅडो पापडी चाट’

साहित्य:

• आंब्याचा गर
• साखर
• रवा
• तूप
• सुका मेवा
• वेलची पावडर
• दूध
• केशर

नेहमीच वरण भात खाऊन कंटाळा आला असेल तर दक्षिण भारतीय पद्धतीने बनवा मँगो रस्सम, वाफाळत्या भातासोबत लागेल सुंदर

कृती:

• आंब्याचा मऊसूत शिरा बनवण्यासाठी सर्वप्रथम, कढईमध्ये तूप गरम करून त्यात रवा घाला आणि मंद आचेवर लालसर होईपर्यंत भाजा.
• रवा चांगला भाजल्यानंतर गरम केलेले केशर दूध घालून चमच्याने सतत मिक्स करत राहा. यामुळे रव्याच्या अजिबात गुठळ्या होणार नाहीत.
• झाकण मारून रवा काहीवेळ तसाच ठेवा. त्यानंतर रवा फुलून आल्यानंतर त्यात सुका मेवा आणि वेलची पावडर,जायफळ पावडर घालून मिक्स करा.
• त्यानंतर शिऱ्यात आवश्यकतेनुसार साखर आणि आंब्याचा गर घालून व्यवस्थित मिक्स करा आणि चमच्याने सतत मिक्स करत राहा.
• मंद आचेवर ५ मिनिटं शिरा शिजण्यासाठी ठेवावा. आवश्यकता वाटल्यास वरून दोन ते तीन चमचे तूप घालावे.
• तयार आहे सोप्या पद्धतीमध्ये बनवलेला मऊ लुसलुशीत आंब्याचा शिरा.