विकतचं कशाला? सर्वांच्या आवडीचा फ्रेश ‘मोजरेला चीज’ बनवा घरच्या घरी… नोट करा रेसिपी

Mozzerella Cheese Recipe : पिझ्झा, पास्ता, सँडविच अशा अनेक पदार्थांमध्ये मोजरेला चीजचा आवर्जून वापर केला जातो. हा पदार्थाची चव वाढवण्यास मदत करतो. अनेकांना ठाऊक नाही पण मोजरेला चीज घरी देखील बनवता येतो.

(फोटो सौजन्य: X)

Follow Us:

Follow Us:

• मोजरेला चीज कुणाला आवडत नाही.
• याची चव पदार्थांची चव आणखी वाढवते.
• मार्केटमधील चीज आणण्यापेक्षा तुम्ही घरीच फ्रेश चीज तयार करू शकता.

Recipe : आनंदाच्या प्रसंगी काही खास होऊन जाऊद्यात, घरी बनवा गोडसर ‘सीताफळ फिरनी’

चीज सर्वांच्याच आवडीचा आहे. यापासून अनेक पदार्थ बनवले जातात तसेच अनेक पदार्थांमध्ये चव वाढवण्यासाठी याचा वापरही केला जातो. तुम्हीही चीज लव्हर्स असाल तर यंदा घरीच बनवा टेस्टी मोजरेला चीज. चला रेसिपी जाणून घेऊया.

साहित्य

• २ लिटर ताजे म्हशीचे दूध
• २ ते ३ टेबलस्पून व्हिनेगर
• चिमूटभर मीठ

कृती

• सर्वप्रथम एका जाड बुडाच्या भांड्यात २ लिटर ताजे दूध घ्या आणि ते मध्यम आचेवर गरम करा. दूध सुमारे ४५ ते ४६ अंश सेल्सियसपर्यंत गरम झाले की गॅस कमी करा. तापमान तपासण्यासाठी दूधात बोट बुडवून साधारण ७ सेकंद ठेवता येत असेल तर तापमान योग्य आहे.
• यानंतर दुधात हळूहळू व्हिनेगर घाला आणि हलक्या हाताने ढवळा. काही मिनिटांत दूध फाटायला सुरुवात होईल. मिश्रण झाकण ठेवून सुमारे १० मिनिटे तसेच राहू द्या, जेणेकरून पाणी आणि घट्ट भाग वेगळे होतील.
• दूध पूर्णपणे फाटल्यानंतर मलमलच्या कापडातून गाळून घ्या. हाताने दाब देऊन अतिरिक्त पाणी पूर्णपणे काढून टाका. या अवस्थेत मिश्रण थोडे दाणेदार दिसेल.
• आता हे मिश्रण नॉन-स्टिक पॅनमध्ये टाका आणि मंद आचेवर ३ ते ४ मिनिटे गरम करा. सतत हलवत राहा, त्यामुळे ते हळूहळू मऊ आणि लवचिक होईल. या टप्प्यावर चवीनुसार मीठ घालू शकता.
• मिश्रण गुळगुळीत आणि ताणले जाण्यासारखे झाले की ते बाहेर काढा आणि हाताने मळून गोळा तयार करा. तयार गोळा १५ मिनिटांसाठी बर्फाच्या थंड पाण्यात ठेवा. यामुळे त्याला योग्य टेक्स्चर मिळते.
• थंड पाण्यातून बाहेर काढल्यानंतर तुमचे घरचे ताजे मोजरेला चीज तयार आहे. हे चीज तुम्ही पिझ्झा, पास्ता, पराठा, सॅंडविच किंवा इतर कोणत्याही पदार्थांमध्ये वापरू शकता. घरगुती असल्यामुळे ते अधिक स्वच्छ, पौष्टिक आणि किफायतशीर ठरते.

Web Title: How to make market style mozzerella cheese at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com