नाश्त्यात उरलेल्या इडलीला द्या मसाल्याचा तडका! सोप्या पद्धतीमध्ये घरी बनवा टेस्टी मसाला इडली

नाश्त्यामध्ये बनवलेली इडली उरल्यानंतर त्यापासून तुम्ही मसाला इडली बनवू शकता. मसाला इडली बनवण्यासाठी अतिशय सोपी आहे. हा पदार्थ तुम्ही सकाळच्या नाश्त्यात किंवा संध्याकाळच्या नाश्त्यात बनवू शकता.

भारतासह जगभरात सगळीकडे साऊथ इंडियन पदार्थ प्रसिद्ध आहेत. इडली, डोसा, सांबर, आप्पे, मसाला डोसा, फिल्टर कॉफी इत्यादी अनेक पदार्थांची चव घेण्यासाठी देशाच्या कानाकोपऱ्यातून लोक दक्षिण भारतामध्ये जातात. इडली सांबार सकाळच्या नाश्त्यात असलेले तर लहान मुलांसोबत मोठेसुद्धा आवडीने खातात. सकाळच्या नाश्त्यात इडली बनवल्यानंतर उरलेल्या इडलीपासून अनेक घरांमध्ये नवनवीन पदार्थ बनवले जातात. त्यामुळे आज आम्ही तुम्हाला संध्याकाळच्या वेळी छोटी भूक लागल्यानंतर मसाला इडली बनवण्याची सोपी रेसिपी सांगणार आहोत. मसाला इडली चवीला अतिशय सुंदर लागते. वेगवेगळ्या मसाल्यांचा वापर करून बनवलेली इडली खाल्यानंतर चवीसोबत पोटही भरेल. चला तर जाणून घेऊया मसाला इडली बनवण्याची सोपी रेसिपी.(फोटो सौजन्य – iStock)

घाईगडबडीमध्ये सकाळच्या नाश्त्यासाठी झटपट बनवा फोडणी देऊन बनवलेली ताकाची उकड, नोट करून घ्या पदार्थ

साहित्य:

• इडली
• कांदा
• टोमॅटो
• लाल तिखट
• सांबार मसाला
• हळद
• गरम मसाला
• मीठ
• कोथिंबीर
• कढीपत्ता
• मोहरी

Banana Cake: मायक्रोवेव्हमध्ये नाही तर पॅनमध्ये बनवा हेल्दी-टेस्टी बनाना केक, एकदा खाल तर खातच रहाल

कृती:

• मसाला इडली बनवण्यासाठी सर्वप्रथम, उरलेल्या इडलीच बारीक तुकडे करून घ्या.
• त्यानंतर कढईमध्ये तेल गरम करून त्यात मोहरी आणि हिंग टाका. नंतर त्यात बारीक करून घेतलेला कढीपत्ता टाकून मिक्स करा.
• बारीक चिरून घेतलेला कांदा आणि टोमॅटो कढईमध्ये टाकून लाल होईपर्यंत व्यवस्थित परतून घ्या. त्यानंतर त्यात चवीनुसार मीठ टाकून मिक्स करा.
• कांदा टोमॅटो शिजल्यानंतर त्यात लाल तिखट, हळद, गरम मसाला, सांबार मसाला इत्यादी मसाले टाकून मिक्स करा.
• सगळ्यात शेवटी त्यात बारीक करून घेतलेली इडली टाकून मिक्स करा आणि वरून कोथिंबीर टाका.
• तयार आहे सोप्या पद्धतीमध्ये बनवलेली मसाला इडली. हा पदार्थ घाईगडबडीमध्ये सुद्धा तयार होईल.