घाईगडबडीमध्ये सकाळच्या नाश्त्यासाठी झटपट बनवा फोडणी देऊन बनवलेली ताकाची उकड, नोट करून घ्या पदार्थ

उन्हाळ्यात सकाळच्या नाश्त्यात काय बनवावं? हे सुचत नाही. अशावेळी तुम्ही सोप्या पद्धतीमध्ये ताकाची उकड बनवू शकता. ताकाची उकड हा पदार्थ कमीत कमी साहित्यामध्ये झटपट तयार होतो. जाणून घ्या सोपी रेसिपी.

सोप्या पद्धतीमध्ये बनवा ताकाची उकड

Follow Us:

Follow Us:

उन्हाळ्याच्या दिवसांमध्ये पचनास हलक्या असलेल्या पदार्थांचे सेवन करावे. कारण वातावरणात सतत होणाऱ्या बदलांचा परिणाम आरोग्यावर लगेच दिसून येतो, ज्यामुळे पचनक्रिया बिघडण्याची शक्यता असते. सकाळच्या नाश्त्यात अनेक घरांमध्ये कांदापोहे, उपमा, शिरा इत्यादी पदार्थ बनवले जातात. पण तेच तेच पदार्थ सतत खाल्यानंतर कंटाळा येतो. अशावेळी तुम्ही फोडणी देऊन ताकाची उकड बनवू शकता. उन्हाळ्यात ताक प्यायल्यामुळे शरीर हायड्रेट राहते. शरीरातील उष्णता कमी करण्यासाठी ताक पिण्याचा सल्ला दिला जातो. याशिवाय ताक पिण्याचे इतरही अनेक फायदे आहेत. तांदळाचे पीठ आणि ताकापासून तयार केलेला हा पदार्थ अनेकांना खाण्यास आवडत नाही. पण उकड तयार करून नंतर फोडणी दिल्यास पदार्थाची चव वाढते आणि पचनक्रिया सुधारते. चला तर जाणून घेऊया ताकाची उकड बनवण्याची सोपी रेसिपी.(फोटो सौजन्य – iStock)

पास्ता खायला आवडतो? मग सोप्या पद्धतीमध्ये घरी बनवा Pink Sauce Pasta, झटपट तयार होईल पदार्थ

साहित्य:

• ताक
• तांदळाचे पीठ
• तेल
• मीठ
• हिरवी मिरची
• हळद
• लसूण
• कढीपत्ता
• जिरं
• मोहरी

साधा डोसा खाऊन कंटाळा आला? मग सोप्या पद्धतीमध्ये घरी बनवा रवा पालक डोसा, वाचा झटपट होणारी रेसिपी

कृती:

• ताकाची उकड बनवण्यासाठी सर्वप्रथम, मोठ्या बाऊलमध्ये ताक घेऊन त्यात तांदळाचे पीठ मिक्स करा. तांदळाच्या पिठाच्या गुठळ्या ठेवू नये.
• कढईमध्ये तेल गरम करून त्यात मोहरी, जिरं आणि हिंग टाकून भाजून घ्या. त्यानंतर त्यात बारीक करून कढीपत्ता टाका.
• नंतर त्यात बारीक करून घेतलेली आलं आणि लसूण टाकून लाल रंग येईपर्यंत भाजून घ्या.
• लसूण भाजल्यानंतर त्यात हळद आणि चवीनुसार मीठ टाकून मिक्स करा. वरून तयार केलेले ताक आणि तांदळाचे मिश्रण टाकून मिक्स करून घ्या.
• उकड तयार करताना गॅस मंद आचेवर ठेवावा. ५ ते ६ मिनिटं शिजल्यानंतर तयार होईल ताकाची उकड.
• तयार आहे सोप्या पद्धतीमध्ये बनवलेली ताकाची उकड. हा पदार्थ सकाळच्या नाश्त्यात तुम्ही खाऊ शकता.

Web Title: How to make ukaad recipe at home summer special food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com