लग्नाच्या पंगतीमधील चमचमीत मसाला भात आता घरीच बनवा, खमंग पदार्थाने वाढेल जेवणाची चव

लग्नाच्या पंगतीमध्ये बनवला जाणारा मसालेभात सगळ्यांचं खायला खूप जास्त आवडतो. त्यामुळे घरच्या घरी सोप्या पद्धतीमध्ये तुम्ही मसालेभात बनवू शकता. चला तर जाणून घेऊया रेसिपी.

लग्नसराईच्या दिवसांना सुरुवात झाली आहे. आपल्यातील अनेकांना लग्न सोहळ्यातील जेवण जेवायला खूप जास्त आवडते. त्यातील सगळ्यांच्या आवडीचा पदार्थ म्हणजे मसाले भात. लग्नाच्या पंगतीमध्ये मिळणाऱ्या मसाले भाताची चव अतिशय सुंदर आणि पारंपरिक असते. जास्तीचे मसाले किंवा कोणत्याही फॅन्सी पदार्थांचा यात वापर केला जात नाही. त्यामुळे तुम्ही सुद्धा लग्नातील मसाले भाताचे चाहते असाल तर या पद्धतीने घरीच चमचमीत मसाले भात नक्की बनवून पहा. मसालेभातासोबत तुम्ही कोशिंबीर, कैरीचे लोणचं किंवा थंडगार दही सुद्धा खाऊ शकता. मसालेभात तुम्ही इतर कार्यक्रमांच्या दिवशी सुद्धा बनवू शकता. घरी आलेल्या पाहुण्यांच्या स्वागतासाठी किंवा इतर कोणत्याही कार्यक्रमात डाळभात बनवण्याऐवजी मसाले भात बनवावा. यामुळे जेवणाची चव वाढेल आणि तुम्ही बनवलेला भात सगळेच खूप आवडीने खातील. लग्न सोहळ्यांमधील जेवणात जर मसाले भात नसेल तर जेवल्यासारखे अजिबात वाटत नाही. चला तर जाणून घेऊया मसालेभात बनवण्याची सोपी रेसिपी.(फोटो सौजन्य – pinterest)

इटालियन सॅंडविच प्रकार : संध्याकाळच्या नाश्त्यासाठी घरी बनवून पहा ‘चिकन पानिनी’, चवीने घरचे सर्वच होतील खुश

साहित्य:

• तांदूळ
• बटाटा
• लाल तिखट
• हळद
• गरम मसाला
• कांदा टोमॅटो
• मटार
• फ्लॉवर
• बिर्याणी मसाला
• दही
• जिरं
• मोहरी
• कढीपत्ता

जिभेला सुटेल पाणी! आंबट गोड कच्च्या कैरीपासून घरीच बनवा कोशिंबीर, गरमागरम भाकरीसोबत लागेल चविष्ट

कृती:

• मसालेभात बनवण्यासाठी सर्वप्रथम, मोठ्या वाटीमध्ये स्वच्छ करून घेतलेला तांदूळ काहीवेळ पाण्यात भिजत ठेवा.
• मोठ्या टोपात तेल गरम करून त्यात मोहरी, जिरं, हिंग आणि कढीपत्त्याची पाने घालून भाजा. त्यानंतर त्यात कांदा टोमॅटो आणि चवीनुसार मीठ घालून खमंग भाजा.
• कांदा टोमॅटो भाजून झाल्यानंतर त्यात आलं, लसूण, मिरची पेस्ट घालून व्यवस्थित मिक्स करा. त्यानंतर त्यात लाल तिखट, गरम मसाले, हळद आणि बिर्याणी मसाला घालून व्यवस्थित मिक्स करा.
• भाजलेल्या मसाल्यांमध्ये दही घालून तेलावर मिक्स करा. त्यानंतर त्यात तेलात हलक्याशा भाजून घेतलेल्या भाज्या घालून मिक्स करा.
• भात शिजण्यासाठी आवश्यकतेनुसार पाणी घालून भात शिजवा आणि वरून बारीक चिरून घेतलेली कोथिंबीर घालून सर्व्ह करा.
• तयार आहे सोप्या पद्धतीमध्ये बनवलेला मसालेभात.