श्रावणात कांदा लसूणचा वापर न करता झटपट बनवा झणझणीत मसूर आमटी, वाफाळत्या भातासोबत लगेच चविष्ट

आज आम्ही तुम्हाला कांदा लसूणचा वापर न करता मसूर डाळीची आमटी बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल. जाणून घ्या रेसिपी.

जेवणातील पदार्थांमध्ये डाळ, आमटी हे पदार्थ नेहमीच बनवले जातात. भात किंवा चपतीसोबत खाण्यासाठी आमटी बनवली जाते. आमटी बनवताना त्यात कांदा, लसूण, आलं इत्यादी अनेक पदार्थांचा वापर केला जातो. या पदार्थांच्या वापरामुळे पदार्थाची चव वाढण्यास मदत होते. पण श्रावण महिन्यातील नैवेद्यामध्ये कांदा, लसूणचा वापर केला जात नाही. म्हणून आज आम्ही तुम्हाला कांदा लसूण न वापरता झणझणीत चविष्ट आमटी बनवण्याची सोपी रेसिपी सांगणार आहोत. मसूरच्या डाळीचा वापर करून बनवलेली आमटी चवीला अतिशय सुंदर लागते. गरमागरम भाकरी किंवा भातासोबत मसूर डाळीची आमटी अतिशय चविष्ट लागते. श्रावण महिन्यात नैवेद्याच्या जेवणातील पदार्थांमध्ये तुम्ही मसूर डाळीची आमटी बनवू शकता. चला तर जाणून घेऊया मसूर डाळीची आमटी बनवण्याची सोपी रेसिपी.(फोटो सौजन्य – pintrest)

Avocado Day : चवीला पौष्टिकतेची जोड; ॲव्होकॅडोपासून बनवा हा हेल्दी-टेस्टी सकाळचा नाश्ता; शेफ शमसुल वाहिदने शेअर केलीये रेसिपी

साहित्य:

• मसूर डाळ
• तेल
• मोहरी
• हिंग
• कोथिंबीर
• आलं
• हिरवी मिरची
• जिरं
• टोमॅटो
• खोबर
• लाल तिखट
• हळद
• मीठ

पार्टी असो वा संध्याकाळची क्रेव्हिंग; स्टफ्ड चीज गार्लिक ब्रेड तुम्हाला नाराज करणार नाही, नोट करा रेसिपी

कृती:

• मसूर डाळीची आमटी बनवण्यासाठी सर्वप्रथम, मसूर डाळ पाण्यात काहीवेळासाठी भिजत ठेवा.
• कढईमध्ये तेल गरम करण्यासाठी ठेवा. गरम तेलात मोहरी, हिंग आणि कढीपत्ता, हिरवी मिरची टाकून किसलेलं आलं टाका.
• सर्व पदार्थ व्यवस्थित भाजून घ्या. नंतर त्यात किसून घेतलेलं ओल खोबर टाकून व्यवस्थित तेलात मंद आचेवर भाजा. हिंग टाकल्यामुळे पदार्थाची चव वाढते आणि पोटासंबंधित समस्या उद्भवत नाहीत.
• नंतर त्यात हळद आणि लाल तिखट घालून व्यवस्थित मिक्स करून घ्या. मिक्स करून झाल्यानंतर त्यात चवीनुसार मीठ आणि बारीक चिरलेली कोथिंबीर टाकून मिक्स करा.
• तयार केलेल्या मसाल्यामध्ये बारीक चिरलेला टोमॅटो टाकून काहीवेळ झाकण मारून शिजण्यासाठी ठेवा. नंतर त्यात कुकरमध्ये शिजवून घेतलेली मसूर डाळ टाकून व्यवस्थित उकळी काढा.
• आमटी बनवताना त्यात आवश्यकतेनुसार पाणी घालून मिक्स करून घ्या. आमटीला उकळी आल्यानंतर गॅस बंद करून घ्या.
• तयार आहे सोप्या पद्धतीमध्ये बनवलेली मसूर डाळीची आमटी.