आंबवलेले पदार्थ खायचा कंटाळा आला असेल तर सोप्या पद्धतीमध्ये सकाळच्या नाश्त्यात बनवा मसूर डाळीचा कुरकुरीत डोसा

सकाळच्या नाश्त्यात प्रत्येकालाच काहींना काही चमचमीत पदार्थ हवा असतो, अशावेळी तुम्ही मसूर डाळीचा डोसा बनवू शकता. हा पदार्थ चवीसोबतच आरोग्यासाठी सुद्धा पौष्टिक आहे.

सकाळच्या नाश्त्यात प्रत्येकालाच वेगवेगळे चविष्ट पदार्थ खाण्यास हवे असतात. नाश्त्यात नेहमीच कांदापोहे, उपमा, शिरा, इडली किंवा पराठा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. म्हणूनच आज आम्ही तुम्हाला १० मिनिटांमध्ये मसूर डाळीचा डोसा बनवण्याची सोपी रेसिपी सांगणार आहोत. मसूर डाळ पचनास अतिशय हलकी असते. डोसा बनवण्यासाठी कायमच उडीद डाळ आणि तांदूळ भिजत घेतले जातात. भिजवलेले पदार्थ मिक्सरच्या भांड्यात टाकून बारीक पेस्ट तयार केली जाते. तयार केलेले मिश्रण रात्रभर आंबवण्यासाठी ठेवले जाते. त्यानंतर व्यवस्थित डोसा बनवला जातो. या प्रक्रियेला खूप जास्त वेळ लागतो. याशिवाय अनेकांना आंबट पदार्थ खायला आवडत नाही. अशावेळी कमीत कमी साहित्यात मसूर डाळीचा डोसा बनवू शकता. खोबऱ्याच्या चटणीसोबत किंवा सांबारसोबत मसूर डाळीचा डोसा अतिशय चविष्ट लागेल. सकाळच्या वेळी पोटभर नाश्ता केल्यास संपूर्ण दिवस आनंद आणि उत्साहामध्ये जातो. चला तर जाणून घेऊया मसूर डाळीचा डोसा बनवण्याची सोपी रेसिपी. (फोटो सौजन्य – istock)

पास्ता बनवायला अवघड वाटतो? मग १५ मिनिटांमध्ये बनवा स्वादिष्ट Red Sauce Pasta, नोट करून घ्या रेसिपी

साहित्य:

• मसूर डाळ
• मीठ
• मुगाची डाळ
• ओट्स
• आलं
• हिरवी मिरची
• बीट
• जिरं
• तेल

उद्योगपती मुकेश अंबानींच्या घरी रोजच्या जेवणात असतात ‘हे’ पदार्थ, घरातील शेफला दिला जाणारा पगार वाचून व्हाल आश्चर्यचकीत

कृती:

• मसूर डाळीचा डोसा बनवण्यासाठी सर्वप्रथम, मोठ्या वाटीमध्ये मसूर डाळ आणि मुगडाळ घेऊन स्वच्छ पाण्याने धुवून घ्या.
• त्यानंतर पाणी घालून २ तास डाळ भिजत ठेवा. भिजवलेल्या डाळींमधील पाणी काढून घ्या.
• मिक्सरच्या भांड्यात भिजवलेली डाळ, आलं, हिरवी मिरची, जिरे, बीटचा तुकडा आणि भिजवून घेतलेले ओट्स घालून आवश्यकतेनुसार पाणी घालून पेस्ट तयार करा.
• तयार केलेली पेस्ट वाटीमध्ये काढून त्यात आवश्यकता वाटल्यास पाणी घालून मिक्स करा.
• डोसा बनवण्यासाठी तवा गरम करून त्यावर तेल पसरवून घ्या. त्यावर तयार केलेले बॅटर एकसमान पसरवून डोसा बनवा. तयार केलेला डोसा दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेला मसूर डाळीचा डोसा. हा पदार्थ घरातील सगळ्यांचं खूप जास्त आवडेल.