सकाळची पौष्टीक सुरुवात! मटकीचे घावन कधी खाल्ले आहेत का? चवीला अप्रतिम, घरचेही होतील खुश

Sprouts Ghavan Recipe: सकाळच्या नाश्त्यासाठी हेल्ही, टेस्टी आणि उर्जा देणारा नाश्ता शोधत आहात? तर मग घरी बनवा मटकीचे घावन. ही झटपट रेसिपी चवीला तर अप्रतिम लागतेच शिवाय तुमच्या आरोग्याचीही काळजी घेते.

महाराष्ट्रीयन खाद्यसंस्कृती ही जितकी चविष्ट आहे तितकीच आरोग्यदायी देखील आहे. घावन ही कोकणातील एक लोकप्रिय आणि पारंपारीक अशी रेसिपी आहे. ही रेसिपी तांदळाच्या पिठापासून तयार केली जाते. पण आज आपण पाहणार आहोत त्याचं एक युनिक रूप म्हणजेच मटकीपासूव घावन कसं तयार करायचं ते जाणून घेणार आहोत. सकाळच्या नाश्त्यासाठी हा एक चवदार आणि पाैष्टीक पर्याय आहे.

दिवसाची सुरुवात करा हेल्दी पदार्थ! सकाळच्या नाश्त्यात झटपट बनवा ज्वारीच्या पिठाच्या आंबोळ्या, नोट करून घ्या रेसिपी

मटकी ही प्रथिनांनी भरलेली कडधान्य असून, अंकुरवल्यावर ती आणखीनच पोषक होते. या मटकीचं घावन हे चवदार, झटपट तयार होणारं आणि आरोग्यदायी पदार्थ आहे. विशेषतः ज्यांना डाएट किंवा वजन कमी करायचं आहे त्यांच्यासाठी हा एक उत्तम पर्याय आहे. गूळ-तूपासोबत याची चव अजूनच खुलते! चला तर मग त्वरीत यासाठी लागणारे साहित्य आणि कृती जाणून घेऊया.

साहित्य

• मटकी – १ कप (२ दिवस अंकुरवून घ्यावी)
• तांदूळ – ½ कप (भिजवून)
• ओलं खोबरं – ¼ कप
• हिरवी मिरची – २
• मीठ – चवीनुसार
• जीरं – ½ चमचा
• तेल – तवा ग्रीससाठी

रात्रीच्या जेवणात सोप्या पद्धतीमध्ये झटपट बनवा टोमॅटोचा आंबटगोड सार, भातासोबत करा चविष्ट बेत

कृती

• मटकीचे घावन तयार करण्यासाठी सर्वप्रथम अंकुरलेली मटकी घ्या
• अंकुरलेली मटकी आणि भिजवलेले तांदूळ मिक्सरमध्ये घाला
• आता त्यात ओलं खोबरं, हिरवी मिरची, जीरं आणि मीठ घालून थोडं पाणी टाका
• सर्व साहित्य मिक्सरमध्ये बारीक वाटून घ्या
• लक्षात ठेवा, पीठ थोडं जाडसर असावं, फार पातळ नको
• यानंतर आता तवा गरम करा आणि यावर तेल पसरवा ट
• तवा गरम झाला की मग यात घावनाच पीठ ओतून पसरवा
• तयार घावन दोन्ही बाजूंनी खरपूस भाजून घ्या
• अशाप्रकारे तुमचे हेल्दी, चवदार घावन तयार आहेत
• गरमागरम मटकीचे घावन गूळ आणि तुपासोबत किंवा तिखट ठेचा आणि दही यांच्यासोबत अप्रतिम खाण्यासाठी सर्व्ह करा
• हे घावन फायबर, प्रोटीन आणि उर्जा देणारे आहे ज्यामुळे सकाळी किंवा हलकं रात्रीचं जेवण म्हणून हा एक योग्य पर्याय आहे