कडाक्याच्या उन्हाळ्यात शरीरात थंडावा टिकवून ठेवेल खरबूज लस्सी, नोट करून घ्या झटपट होणारी रेसिपी

उन्हाळ्यात कायमच पॅकबंद केलेले सरबत पिण्याऐवजी घरी बनवलेली खरबूज लस्सी प्यावी. यामुळे शरीराला भरमसाट फायदे होतात. लस्सी प्यायल्यामुळे पोटात थंडावा टिकवून राहतो.

राज्यासह संपूर्ण देशभरात सगळीकडे उष्णतेची लाट आली आहे. वाढत्या उन्हाळ्यात शरीरात थंडावा टिकवून ठेवण्यासाठी वेगवेगळ्या पदार्थांचे सेवन केले जाते. कारण गर्मीमुळे शरीरात प्रचंड थकवा आणि अशक्तपणा जाणवू लागतो. याशिवाय थंड पदार्थांचे सेवन केल्यामुळे पोटात जळजळ होते, ज्यामुळे काही खाण्यापिण्याची अजिबात इच्छा होत नाही. अशावेळी शरीरात थंडावा टिकवून ठेवण्यासाठी वेगवेगळ्या थंडगर पेयांचे सेवन केले जाते. कोल्ड्रिंक, सरबत किंवा पाकिटमधील पॅक बंद सरबत प्यायल्यामुळे शरीराला हानी पोहचण्याची शक्यता असते. म्हणूनच आज आम्ही तुम्हाला झटपट तयार होणारी खरबूज लस्सी बनवण्याची सोपी कृती सांगणार आहोत. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल आणि चव सुद्धा भारी लागेल. उन्हाळ्याच्या दिवसांमध्ये पाणीदार फळांचे सेवन करावे. या फळांच्या सेवनामुळे शरीरात ऊर्जा टिकून राहते. चला तर जाणून घेऊया रेसिपी.(फोटो सौजन्य – pinterest)

कडक उन्हात शरीराला मिळेल थंडावा! झटपट बनवा Mango Rabdi Faluda, पाहताच क्षणी सुटेल तोंडाला पाणी

साहित्य:

• खरबूज
• घट्ट दही
• साखर
• वेलची पावडर
• बर्फाचे तुकडे
• सुका मेवा
• पुदिन्याची पाने

Sunday Special Recipe : सुट्टीच्या दिवशी नाश्ताही करा मजेदार, घरी बनवा टेस्टी आणि झटपट तयार होणारा ‘पनीर चीज टोस्ट’

कृती:

• खरबूज लस्सी बनवण्यासाठी सर्वप्रथम, खरबूजच्या वरील साल काढून घ्या. त्यानंतर त्यातील बिया काढून गर वेगळा करा.
• मिक्सरच्या भांड्यात खरबूजचे बारीक तुकडे, साखर, वेलची पावडर आणि बर्फाचे तुकडे घालून बारीक पेस्ट वाटून घ्या.
• काचेच्या ग्लासात बर्फाचे तुकडे टाका आणि वरून तयार केलेली लस्सी ओतून घ्या.
• सजावटीसाठी पुदिन्याची पाने आणि सुका मेवा घालून पिण्यासाठी सर्व्ह करा.
• तयार आहे सोप्या पद्धतीमध्ये बनवलेली थंडगार खरबूज लस्सी.