Recipe : जेवणाचा मेन्यू करा खास, घरी बनवा चविष्ट आणि खमंग चवीची ‘मेथी मसाला बाटी’

Methi Masala Bati Recipe : रोज तेच तेच जेवण कंटाळला असाल तर घरी बनवा खमंग मेथी मसाला बाटी. तुपात बुडवून मग जेव्हा डाळीसोबत तुम्ही ही बाटी चाखाल तेव्हा तोंडातून फक्त व्वा व्हाच निघेल!

(फोटो सौजन्य: Youtube / FOOD KRANTI )

Follow Us:

Follow Us:

• बाटी हा पदार्थ मुळतः राजस्थानचा, हा तिथला पारंपारिक पदार्थ आहे.
• आपण आजवर बाटी हा पदार्थ चाखला असेल पण तुम्ही कधी मेथी मसाला बाटी खाल्ली आहे का?
• याची चव मनाला शांत आणि तृप्त करून जाते.

Recipe : संध्याकाळच्या नाश्त्याला बनवा हलवाई स्टाईल ‘दही कचोरी’, चटकदार चव; टी-टाईम स्नॅक्ससाठी परफेक्ट पर्याय

घरी पाहुणे आले असतील किंवा काहीतरी वेगळं आणि खास बनवायचं असेल, तर मेथी मसाला बाटी हा उत्तम पर्याय ठरतो. हा पदार्थ फक्त चवीलाच नाही आरोग्याच्या दृष्टीनेही खूप फायद्याचा ठरतो.चला तर मग, फटाफट जाणून घेऊया मेथी मसाला बाटीची सोपी आणि स्वादिष्ट रेसिपी.

साहित्य 

• गव्हाचे पीठ – 1 कप
• बेसन – 5 मोठे चमचे
• ताजी हिरवी मेथी (बारीक चिरलेली) – 5 मोठे चमचे
• लाल तिखट – 1 टीस्पून
• धणे पूड – 1 टीस्पून
• हळद – 1 टीस्पून
• मीठ – चवीनुसार
• ओवा – ½ टीस्पून
• हिंग – चिमूटभर
• बेकिंग सोडा / मीठा सोडा – ½ टीस्पून
• आले–लसूण कुटलेले – 1 टीस्पून
• कोथिंबीर (बारीक चिरलेली) – 2 मोठे चमचे
• तेल किंवा तूप – 2–3 मोठे चमचे
• कोमट पाणी
• देसी तूप

कृती 

• सर्वप्रथम एका मोठ्या परातीत 1 कप गव्हाचे पीठ घ्या. त्यात 5 मोठे चमचे बेसन आणि 5 मोठे चमचे बारीक चिरलेली मेथी घाला. आता यात 1 टीस्पून लाल तिखट, 1 टीस्पून धणे पूड, 1 टीस्पून हळद, चवीनुसार मीठ, थोडा ओवा आणि चिमूटभर हिंग मिसळा.
• अर्धा टीस्पून बेकिंग सोडा घालून त्यात बारीक चिरलेली कोथिंबीर, कुटलेले आले आणि लसूण घाला. सर्व साहित्य नीट एकजीव करून घ्या.
• आता मिश्रणात ताजी, बारीक चिरलेली हिरवी मेथी घाला. मोयनासाठी तेल किंवा तूप वापरून सर्व साहित्य चोळून घ्या.
• नंतर कोमट पाणी घालत थोडं थोडं करून मऊसर पीठ मळून घ्या. या पिठाच्या मध्यम आकाराच्या गोळ्या करून गोल बाटी तयार करा. प्रत्येक बाटीच्या मधोमध हलकं दाब देऊन ठेवा.
• गॅसवर तंदूर किंवा जाड तवा गरम करा आणि त्यावर बाटी मंद आचेवर भाजून घ्या. बाटी सर्व बाजूंनी छान सोनेरी आणि खमंग होईपर्यंत शेकाव्यात. इच्छेनुसार या बाटी तेलात किंवा तुपात तळूनही घेऊ शकता.
• तयार झालेल्या गरमागरम बाटी देसी तुपात बुडवून सर्व्ह करा.
• मेथी मसाला बाटी खूपच खमंग, कुरकुरीत आणि मसालेदार लागते. राजस्थानमध्ये या बाटी सहसा कढी किंवा डाळीसोबत खाल्ल्या जातात. नाश्ता, दुपारचे जेवण किंवा रात्रीचे जेवण कुठल्याही वेळेस ही डिश छान लागते.

Web Title: How to make methi masala bati at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com