पालेभाज्या खायला आवडत नाहीत? मग बाजरीचे पीठ टाकून झटपट बनवा मेथीचे चमचमीत पिठलं, नोट करा रेसिपी

मेथीची भाजी लहान मुलांना खायला आवडत नाही. अशावेळी तुम्ही मुलांना झटपट मेथीचे पिठलं बनवून देऊ शकता. हे पिठलं कमीत कमी साहित्यामध्ये तयार होते. चला तर जाणून घेऊया मेथीचे पिठलं बनवण्याची सोपी रेसिपी.

भारतात बनवले जाणारे सर्वच मराठमोळे पदार्थ जगभरात सगळीकडे प्रसिद्ध आहेत. त्यात आवडीने खाल्ला जाणारा पदार्थ म्हणजे पिठलं भाकरी. लहान मुलांपासून अगदी मोठ्यांपर्यंत सगळ्यांचं जेवणात पिठलं भाकरी खायला खूप आवडते. बेसन आणि हिरव्या मिरचीचा तडक देऊन बनवलेले पिठलं चवीला अतिशय सुंदर लागत. पण आज आम्ही तुम्हाला बाजरीचे पीठ टाकून मेथीचे पिठलं बनवण्याची सोपी रेसिपी सांगणार आहोत. लहान मुलांना मेथीची भाजी खायला आवडत नाही. मेथीच्या भाजीचे नाव ऐकल्यानंतर लहान मुलं नाक मुरडतात. पण पालेभाज्या आरोग्यासाठी अतिशय प्रभावी आहेत. पालेभाज्या खाल्यामुळे शरीराला आवश्यक पोषक घटक मिळतात. कोकणात पालेभाज्या बनवताना त्यात नारळाचा किस घातला जातो. मात्र आज आम्ही तुम्हाला बाजरीचे पीठ घालून मेथीचं पिठलं बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – istock)

सकाळच्या नाश्त्यात १० मिनिटांमध्ये बनवा चिजी एग टोस्ट, नोट करून घ्या सोपी रेसिपी

साहित्य:

• मेथी
• बाजरीचे पीठ
• मीठ
• तेल
• हिरवी मिरची
• कांदा
• लसूण
• बेसन
• मीठ
• दही
• कढीपत्ता
• आलं

नेहमीच तेच पदार्थ खाऊन कंटाळा आल्यास झटपट बनवा खुसखुशीत दह्यातले धपाटे, मराठमोळा पदार्थ चवीला लागेल सुंदर

कृती:

• मेथीचे पिठलं बनवण्यासाठी, सर्वप्रथम मेथीची भाजी स्वच्छ साफ करून घ्या. त्यानंतर काहीवेळ भाजी पाण्यात भिजत ठेवा.
• त्यानंतर मेथीची बारीक चिरून घ्या आणि कांदा, हिरवी मिरची कापून घ्या.
• कढईमध्ये तेल गरम करून त्यात बारीक केलेली लसूण, आलं घालून भाजून घ्या. त्यानंतर त्यात हिरव्या मिरचीचे तुकडे भाजा.
• त्यानंतर त्यात कढीपत्त्याची पाने घालून चिमूटभर हिंग घाला. त्यानंतर त्यात बारीक केलेला कांदा टाकून व्यवस्थित भाजून घ्या.
• कांदा शिजल्यानंतर त्यात चवीनुसार मीठ टाकून पुन्हा एकदा व्यवस्थित भाजा. नंतर त्यात बारीक करून घेतलेली मेथी घालून शिजवा.
• भाजी शिजल्यानंतर त्यात बाजरीचे पीठ आणि बेसन घालून मिक्स करा. नंतर त्यात तुमच्या आवडीनुसार दही किंवा ताक घालून पेस्ट तयार करून घ्या.
• मेथीचं पिठलं व्यवस्थित शिजल्यानंतर वरून कोथिंबीर घालून मिक्स करा. तयार आहे सोप्या पद्धतीमध्ये बनवलेले मेथीचे पिठलं.