हिवाळ्यात दुपारच्या जेवणासाठी बनवा पौष्टिक चवीचा मेथी पुलाव, वाचा सोपी रेसिपी

थंडीच्या दिवसांमध्ये दुपारच्या जेवणात सतत चपाती भाजी खाऊन कंटाळा आल्यानंतर नवीन काहीतरी खाण्याची इच्छा होते. अशावेळी तुम्ही मेथी पुलाव बनवू शकता. मेथी पुलाव बनवण्यासाठी अगदी सोपा आहे.

हिवाळ्यामध्ये थंड जेवण जेवण्याऐवजी गरमा गरम जेवण्याचा आनंद घ्यावा. कारण वातावरणात गारवा असल्यामुळे शरीराला उष्णतेची आवश्यकता असते. त्यामुळे आहारात पराठे, सूप, घरी बनवलेल्या गोड पदार्थांचे सेवन करावे. भारतीय स्वयंपाक घरात नेहमीच पौष्टिक आणि आरोग्यासाठी पौष्टिक पदार्थ बनवले जातात. पौष्टिक पदार्थांचे सेवन केल्यामुळे आरोग्याला अनेक फायदे होतात. आज आम्ही तुम्हाला दुपारच्या जेवणात मेथी पुलाव बनवण्याची सोपी रेसिपी सांगणार आहोत. मेथी पुलाव कमीत कमी वेळात झटपट तयार होतो. शिवाय हा पदार्थ बनवण्यासाठी जास्त वेळ लागत नाही. अनेकदा घरात तुम्ही मटार पुलाव किंवा सोयाबीन पुलाव खाल्ला असेल पण आज आम्ही तुम्हाला मेथी पुलाव बनवण्याची सोपी रेसिपी सांगणार आहोत.(फोटो सौजन्य-istock)

हे देखील वाचा: कधी दही कबाब खाल्ले आहेत का? अवघ्या 15 मिनिटांत तयार होते रेसिपी

पालेभाज्यांमध्ये मेथी खाणे आरोग्यासाठी पौष्टिक आहे. लहान मुलं पालेभाज्यांचे सेवन करण्यास नकार देतात. अशावेळी तुम्ही मुलांना पालेभाज्यांपासून भात किंवा इतर कोणतेही पदार्थ बनवून खाण्यास देऊ शकता. चवीला कडू असलेली मेथी आरोग्यासाठी फायदेशीर आहे. मधुमेहाच्या रुग्णांसाठी मेथी भाजी वरदान आहे. मेथीच्या भाजीचे सेवन केल्यामुळे रक्तातील साखरेचे प्रमाण नियंत्रणात राहण्यासाठी मदत होते. चला तर जाणून घेऊया मेथी पुलाव बनवण्याची सोपी रेसिपी.

साहित्य:

• तांदूळ
• मेथी भाजी
• टोमॅटो
• कांदा
• हिरवी मिरची
• तेल
• मीठ
• कोथिंबीर
• हळद
• खडा गरम मसाला
• तूप
• लाल तिखट

हे देखील वाचा: सकाळच्या नाश्त्यासाठी १० मिनिटांमध्ये बनवा चविष्ट मटार पुरी, वाचा साहित्य आणि रेसिपी

कृती:

• मेथी पुलाव बनवण्यासाठी सर्वप्रथम, तांदूळ स्वच्छ साफ करून धुवून ठेवा. त्यानंतर काहीवेळ पाण्यात भिजण्यासाठी ठेवा.
• मेथीची भाजी साफ करून धुवून बारीक कापा. यामुळे पुलाव चांगला लागेल.
• कुकरमध्ये तेल किंवा तूप गरम करण्यासाठी ठेवा. तेल गरम झाल्यानंतर त्यात खडे मसाले घालून भाजून घ्या.
• नंतर त्यात कांदा आणि टोमॅटो टाकून व्यवस्थित शिजवा. कांदा शिजण्यासाठी त्यात चवीनुसार मीठ टाका.
• कांदा शिजल्यानंतर त्यात सर्व मसाले घालून व्यवस्थित मिक्स करून घ्या.
• मसाले छान भाजल्यानंतर त्यात बारीक कापून घेतलेली मेथी आणि तांदूळ टाकून व्यवस्थित मिक्स करा.
• आवश्यकतेनुसार पाणी घालून पुन्हा एकदा व्यवस्थित मिक्स करा.
• कुकरच्या 4 ते 5 शिट्या काढून गॅस बंद करून घ्या. वरून कोथिंबीर टाका.
• तयार आहे सोप्या पद्धतीमध्ये बनवलेला मेथी पुलाव.