कधी दही कबाब खाल्ले आहेत का? अवघ्या 15 मिनिटांत तयार होते रेसिपी

तोंडात टाकताच विरघळणारे दही कबाब कधी खाल्ले आहेत का? ही व्हायरल रेसिपी तुम्ही एकदा नक्की ट्राय करायला हवी. याची चव लहानांपासून मोठ्यांपर्यंत सर्वांनाच फार आवडेल.

Follow Us:

Follow Us:

कोणतीही पार्टी असली किंवा खास कार्यक्रम असला की स्नॅक्स हा येतोच. आता या स्नॅक्समध्ये बऱ्याच प्रकारचे पदार्थ ठेवले जातात. यातीलच एक प्रमुख पदार्थ म्हणजे कबाब. कबाब अनेक प्रकारचे बनवले जातात. यात व्हेज आणि नॉनव्हेज असेही ऑप्शन्स असतात. आता तुम्ही चिकन कबाब, मटण कबाब व्हेज असाल तर पालक कबाब, मिक्स व्हेज कबाब असे बरेच कबाब खाल्ले असतील मात्र तुम्ही कधी दही कबाब खाल्ले आहेत का? फार कमी लोकांनी हा पदार्थ चाखला असावा मात्र आम्ही तुम्हाला सांगतो याची चव फार अप्रतिम लागते.

बाहेरून क्रिस्पी आणि तोंडात जाताच विरघळणारे हे कबाब तुमच्या दिवसाची रंगत आणखीन वाढवतील. याची हटके रेसिपी सोशल मीडियावर शेअर करण्यात आली आहे. ही रेसिपी अवघ्या काही मिनिटांतच तयार होते, ज्यामुळे तुमचा फार वेळ वाया जाणार नाही. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा – मुंबई स्ट्रीट स्टाईल मसाला पाव आता घरीच बनवा, व्हायरल होतेय रेसिपी, त्वरित नोट करा

साहित्य

• अर्धी वाटी दही (Hung Curd)
• एक उकडलेला किसलेला बटाटा
• 40 ग्रॅम किसलेले पनीर
• एक चिरलेला कांदा
• अर्धी चिरलेली सिमला मिरची
• हिरवी मिरची
• उकडलेले स्वीट कॉर्न
• लाल मिरची पावडर, धने पावडर, गरम मसाला
• ब्रेड क्रम्स
• तेल

 

View this post on Instagram

 

A post shared by khana_peena_recipe (@khana_peena_recipe)

हेदेखील वाचा – रात्रीच्या शिळ्या चपातीपासून तयार करा कुरकुरीत चायनीज भेळ, जाणून घ्या रेसिपी

कृती

• काहींचे कबाब तयार करण्यासाठी सर्वप्रथम एका वाडग्यात दही, किसलेला बटाटा, 40 ग्रॅम किसलेले पनीर, एक
• चिरलेला कांदा, अर्धी चिरलेली सिमला मिरची, हिरवी मिरची आणि उकडलेले स्वीट कॉर्न घ्या
• यानंतर यात चमचा लाल मिरची पावडर, अर्धा चमचा मीठ, अर्धा चमचा धने पावडर, अर्धा चमचा गरम मसाला घाला
• मग यात एक चमचा कॉनफ्लोर पीठ घाला
• आता सार्ह साहित्य व्यवस्थित मिक्स करा
• तयार पिठाचा लहान भाग हातात घ्या आणि याला कबाबचा आकार द्या
• तुम्हाला हव्या त्या आकारात तुम्ही हे कबाब तयार करू शकता
• तयार कबाब ब्रेड क्रम्समध्ये बुडवा आणि तेलात सोडा
• मध्यम आचेवर हे कबाब छान सोनेरी रंग येईपर्यंत तळून घ्या
• अशाप्रकारे तुमचे दही कबाब तयार होतील
• तयार कबाब पुदिन्याची चटणी किंवा सॉससोबत खाण्यासाठी सर्व्ह करा
• ही रेसिपी @khana_peena_recipe नावाच्या इंस्टाग्राम अकाऊंटवरून शेअर करण्यात आली आहे

Web Title: Know social media viral dahi kabab recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com