चपातीसोबत भाजी खाऊन कंटाळा आला असेल तर सोप्या पद्धतीमध्ये बनवा ‘मिक्स फ्रूट जाम’, नोट करा रेसिपी

बऱ्याचदा लहान मुलं फळे खाण्याचा कंटाळा करतात. अशावेळी तुम्ही मुलांसाठी सोप्या पद्धतीमध्ये मिक्स फळांचा जाम बनवून देऊ शकता. फळांचा जाम तुम्ही चपाती किंवा ब्रेडसोबत खाऊ शकता.

लहान मुलं शाळेच्या डब्यात नेहमीच चपाती भाजी किंवा पराठा घेऊन जातात. डब्यात भेंडी, बटाटा, शिमला मिरची किंवा तोंडलीची भाजी खाऊन कंटाळा आल्यानंतर बाहेरील विकतचे पदार्थ खाण्यास मागतात. पण नेहमीच तिखट किंवा तेलकट पदार्थ खाणे आरोग्यासाठी चांगले नाही. अशावेळी तुम्ही चपातीसोबत खाण्यासाठी मिक्स फळांचा जाम बनवू शकता. चवीला गोड असलेला जाम लहान मुलांपासून अगदी मोठ्यांपर्यंत सगळ्यांचं खूप जास्त आवडतो. जामचे नाव ऐकल्यानंतर अनेकांच्या तोंडाला पाणी सुटते. जाम खाण्याची इच्छा झाल्यानंतर बाजारातून विकत आणलेला जाम आणून खाल्ला जातो. मात्र विकतचा जाम खाण्याऐवजी तुम्ही सोप्या पद्धतीमध्ये फळांपासून बनवलेला जाम खाऊ शकता. चला तर जाणून घेऊया मिक्स फ्रुट जाम बनवण्याची सोपी रेसिपी.(फोटो सौजन्य – pinterest)

सकाळच्या नाश्त्यात झटपट बनवा High protein egg sandwich, नोट करून घ्या सोपी रेसिपी

साहित्य:

• पिकलेली केळी
• सफरचंद
• अननस
• स्ट्रॉबेरी
• द्राक्ष
• संत्री
• मनुके
• साखर
• लिंबाचा रस

डोळ्यांचे आरोग्य सुधारण्यासाठी सकाळच्या नाश्त्यात झटपट बनवा पौष्टिक गाजर सूप, नोट करून घ्या रेसिपी

कृती:

• मिक्स फळांचा जाम बनवण्यासाठी सर्वप्रथम, केळ्याची साल काढून बारीक तुकडे करून घ्या.
• तसेच सफरचंद, द्राक्ष, संत्री, मनुके, साल काढून घेतलेली केळी, अननस आणि स्ट्रॉबेरीचे तुकडे मिक्सरच्या भांड्यात टाकून बारीक पेस्ट तयार करा.
• पॅन गरम करून त्यात तयार केलेली पेस्ट ओतून तुमच्या आवडीनुसार साखर टाकून शिजवून घ्या.
• फळांचे मिश्रण व्यवस्थित शिजेपर्यंत चमच्याने सतत ढवळत राहा. यामुळे जामची चव अतिशय सुंदर लागेल.
• तयार केलेले मिश्रण हळूहळू घट्ट झाल्यानंतर त्यात लिंबाचा रस टाकून मिक्स करून घ्या.
• फळांचा जाम व्यवस्थित शिजल्यानंतर गॅस बंद करून थंड करा. जाम थंड केल्याशिवाय बरणीमध्ये भरू नये.
• तयार आहे सोप्या पद्धतीमध्ये बनवलेला मिक्स फळांचा जाम.