१५ मिनिटांमध्ये सकाळच्या नाश्त्यासाठी बनवा खमंग कुरकुरीत अख्या मुगाचा खाकरा, नोट करून घ्या पौष्टिक आणि चविष्ट पदार्थ

सकाळच्या नाश्त्यासाठी तुम्ही सोप्या पद्धतीमध्ये मुगाच्या डाळीचा खाकरा बनवू शकता. खाकरा खायला सगळ्यांचं खूप जास्त आवडतो. कमीत कमी साहित्यामध्ये तुम्ही खाकरा बनवू शकता. जाणून घ्या खाकरा बनवण्याची सोपी रेसिपी.

वाढलेले वजन नियंत्रणात ठेवण्यासाठी अनेक लोक सकाळचा नाश्ता करणे टाकतात. नाश्ता न करता उपाशी पोटी कामानिमित्त बाहेर निघून जातात. पण सकाळच्या वेळी साथीचे आजाराचे विषाणू आणि इतर गंभीर आजाराचे विषाणू सक्रिय होतात आणि शरीरात प्रवेश करतात, ज्यामुळे संपूर्ण आरोग्याला हानी पोहचते. त्यामुळे सकाळच्या वेळी पोटभर नाश्ता करणे आवश्यक आहे. नाश्ता केल्यामुळे शरीरात ऊर्जा टिकून राहते आणि दुपारच्या वेळी लवकर भूक लागत नाही. याशिवाय नाश्त्यात अतिशय हलके आणि कमी कॅलरीज असलेल्या पदार्थांचे सेवन केल्यास वजन कायमच नियंत्रणात राहील आणि लवकर भूक लागणार नाही. म्हणूनच आज आम्ही तुम्हाला सोप्या पद्धतीमध्ये अख्या मुगाचा खाकरा बनवण्याची सोपी रेसिपी सांगणार आहोत. हा पदार्थ बनवण्यासाठी खूप कमी साहित्य लागते. खाकरा हा पदार्थ प्रामुख्याने राजस्थानमध्ये बनवला जातो. मुगाच्या डाळीमध्ये फायबर, आयर्न आणि मॅग्नेशियम इतर पोषक घटक मोठ्या प्रमाणावर आढळून येतात. याशिवाय मूग खाल्ल्यामुळे पचनक्रिया कायमच निरोगी राहते. चला तर जाणून मुगाच्या डाळीचा खाकरा बनवण्याची सोपी रेसिपी.(फोटो सौजन्य – pinterest)

मोजक्याच साहित्यामध्ये बनवा हॉटेल स्टाईल टेस्टी हराभरा पनीर, नोट करून घ्या चमचमीत रेसिपी

साहित्य:

• साल असलेली मुगडाळ
• गव्हाचे पीठ
• तेल
• लाल तिखट
• हळद
• तेल
• जिरं पावडर
• गरम मसाला
• हिंग

पार्टी स्नॅक्ससाठी घरी बनवा हॉटेल स्टाईल मसाला पापड; कुरकुरीत मसालेदार चव जी सर्वांना करेल खुश

कृती:

• मुगाच्या डाळीचा खाकरा बनवण्यासाठी सर्वप्रथम, वाटीमध्ये मुगाची डाळ घेऊन त्यावर पाणी घाला आणि ४ ते ५ तास डाळ भिजवण्यासाठी ठेवा.
• मोठ्या भांड्यात भिजवलेली डाळ, गव्हाचं पीठ आणि चवीनुसार मीठ घालून व्यवस्थित मिक्स करा.
• त्यानंतर त्यात लाल तिखट, हळद, जिरे पावडर, गरम मसाला, हिंग आणि लाल मिरच्यांची पेस्ट, तेल घालून व्यवस्थित मिक्स करा.त्यानंतर त्यात गव्हाचे पीठ घाला आणि व्यवस्थित मिक्स करा.
• तयार केलेल्या मिश्रणात हळूहळू पाणी घालून पीठ व्यवस्थित मळून घ्या. पीठ मळताना त्यात जास्त पाणी घालू नये.
• तयार केलेल्या पिठाचे छोटेच छोटे गोळे करून खाकरा लाटून घ्या. त्यानंतर गरम तव्यावर खाकरा हलका हलका दाबून भाजून घ्या.
• तयार आहे सोप्या पद्धतीमध्ये बनवलेला मुगाच्या डाळीचा खाकरा. हा पदार्थ घरातील सगळ्यांचं खूप जास्त आवडेल.